Gedeo Bible
Faarotikaa Maxaafa 82
Mageni Umo Galchallo Kadeexxa
Asaafixxa Faaro.
Mageni iimatike ya'ixxe bukki'n
magennuwwi duuchchi bukk hiyyee wodda,
isi oddo insa'nexxe'n afeme'e muraan.
«Ha'noo haani qico'n murte dassitinaa?
Haani qico'ntaa fuggaaleeyyetee gamissinaa?
Gophaaleeyyeteenna anna afebaaxxe oose'aa dhugaati murre;
rakkiyyetikanna miicemeeke mannika seera heqqisse.
Gophaaleeyyetanna rakkiyye furre;
fuggaalleyyetixxe anganaa'ni insa'nee gatisse.
«Insa'ne ege'na yookaan galchecca anfebaan;
dukkannati giddo me'inaan;
buttatixxi booso duuchchanna lele'mitaan.
«Aninna, ‹Ha'noo magennuwwake
duuchchiing Dada Duuchchike Duuchchi Woddike Gootta Mageniinke beltuwwan› hiyyenne.1
Kaddo malee manjiinshanni rertinaan;
ha'noxxe hedhoxxi muuxenshanna hoone galchalixxishshanden»
Gosa gosak ardi duuchchi atiken,
Ee, Magenoo! Ke'i! Boga duuchcha'ni muri.
Source notes (1)
- Cross-reference Yoh. 10:34.
Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.