Faarotikaa Maxaafa 8

Mageniinka Lumminnenna Manjiinka Ulfinna

Faarsaleeyyetike akeekisanji'a suusu'leti faarsendaaxxa Daawwitixxa faaro

1Ee Duuchchi Woddike Gootta no'oke Magenoo!

Summi atik butta duuchcha'n saademe'eeken;

ardakenaa'n ati'a shiqa'neek galatinna lummedhee iimi qico'ni geye'eeken.

2Oosetinna annoole atike lummini'a faarsitashsha assitteeten;

kone qicinni naaphakanna xaqarot ate'n ke'emmakaara sammi assitteten.1

3Ati anga atixxenni daddettexxa iima uudanno wodda

bakka bakka'ninni uggittettexxa

baatenna urjuwwa uudanno wodda,

4Ati isoo heddota'a manji isi maachcho?

Ati isi'a xexxe'attota'a manjiinki belti isi maachcho?

5Ati isoo dadde ergannatenaa'ni butti darre hedhaashsha assitteten2

moyashsha assite'e ulfinnakanna lumminne isi'a uuttette.

6Daddetexxe dada duuchcha'n moya'shsha assittette;

dada duuchchinna isi hunda galdaashsha assittette.

7Gedhebokanna lalo, biniicha duuchchanna,

8Iimatixxa ci'anna abbaayya giddixxa quluxxu'me,

abbaayya giddo hexxexxa lubbo affexxa dada duuchcha moyashsha assittette.

9Ee Duuchchi Woddike Gootta, no'oke Magenoo!

Summi atiki butta duuchcha'n saademe'eeken!