Skip to content
BibleKenya

Gedeo Bible

Faarotikaa Maxaafa 4:8

Verse 8 is marked below, with the whole chapter around it. Read from the start

Mageno Addatatee'e Shiqqeexxa Soodachcho

Faarsaleeyyetike akeekisanji'a. Baganik faarsendaaxxa Daawwitixxa faaro

Ee qullichcha Magenoo,

ye'edhanno wodda hissichcho ani'a uwwi;

Abara ankenaa'n anee'e hafuura adhdhise'etan;

ta'anna ani'a marar; soodachcho anxanna laqi.

Koo mannaa, ha'no haani qico'n anee salphissina?

haani qico'n wayifuldabaaxxa yaane eetina?

Haani qico'n dhara halsitina? Seela

Duuchchi Woddiki Gootti addatemeeka manna ifi'a fi'leexxa ege'ne;

Duuchchi Woddik Gootti isiba'a soodatanno wodda laqee anee gargaraan.

Fedhee qico muffatinoolenna cubbo hujjinoqqe'e;

ma'na diiphineeba hexxineexxi

godobi giddo hedde; samminna hiyye.1

Duuchchi Woddike Gootti'a qullichcha tolcha tolche;

isoonna addatte.

Heddo mannan, «No'o'a eloxxa yaane ayyette leellisha?» hiyya'neek;

Ee Duuchchi Woddike Goottaa

atike albik ifi no'o'n xabowwaal.

Manni midhatanna woyinetixxa booka alfe wodda gammada irra

hedho anxe'ni lumoxxa gammashsho wonshite'eeten.

Ee Duuchchi Woddike Goottaa! Nage'ik hedhona'a assiteteki aten calla kaddetexxee'e

irkatanno woddanna nage'iinke diipho diiphannon.

Source notes (1)
  1. Cross-reference Efe. 4:26.

Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.