Gedeo Bible
Faarotikaa Maxaafa 3
Rakko Giddo Hedheeke Manjixxa Gorsixxa Soodachcho
Daawwit belto ifike Abeseloominaa'n baaje wodda Farseexxa Faaro
Ee, Duuchchi Woddike Goottaa diini ane'ni bira sa'een!
Heddi manninna ane'n ke'een.
Heddi manni, «Mageni isoo gargaarabaan» hiyya'n anxee haaso'een.
Ee, Duuchchi Woddike Goottaa ati kinni anxe wonten;
naapha anka injifatannoshsha assite'e anee ulfeessitetek ateten.
Duuchchi Woddik Gootti anee gargaarashsha hafuura gikki assee isoo ye'edhannon;
isinna ifixxe woyyitte kooba hana hedhee hissichcho ani'a uwwaan.
Ani irkateennen; dhiiphikinna anee adhdhe.
Duuchchi Woddiki Gootti hashsha duuchcha anee heqqammaxxee'e
nage'iki diiphokenaa'n ke'enne.
Gami gamii'ni ane'n gumeeka
golgola naapha sodaatabe'no.
Ee Duuchchi Woddike Goottaa ke'ii!
Ee anke Duuchchi Woddike Gootta anee gargaar
Anke naaphi duuchchika qeqeeshanna gandatoni;
fuggaalleyyetixxa issonna enqitaton.
Gargaarsi Duuchchi Woddike Gooattanaa'niten;
Magenoo ati arda atika eebbisi.1 Seela
Source notes (1)
- Cross-reference 2 Sam. 15:13—17:22.
Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.