Gedeo Bible
Faarotikaa Maxaafa 120
Gargaarsiinxa Soodachcho
Rakko ane'ni geltee wodda
Duuchchi Woddike Goottibaa raarenneni
isinna laqe.
Ee, Duuchchi Woddik Goottaa!
Dharameeyyeteetenaa'ninna xaqartyyettenaa'ni anee gatisi.
Koo dharichcha mannaa!
Mageni ha'noo maa ergu?
Hitta hexxexxa murte ha'no'n muru?
Qareeke loliinke mannike bagedinni ha'no otaan;
yo'oshsha diimateeke kashillinni ha'noo gubaan.
Qeedarike ardixxe oddo'ni
Meesheekite hiyyemaake boga'ni dagee ofo'lennaxxee'e ani'aa aanne'e.
Nage'aa eeyyabaake manninni welti
yo'oshsha lumoxxa yanna ofo'lene.
Ani nage'aa eeyye'e
nage'ik hedha eloxxe kaddeexxa haso'anno wodda insa'ne loliinxe haasonnaan.
Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.