Gedeo Bible
Faarotikaa Maxaafa 113
Duuchchi Woddike Goottixxa Elle Leellishshaaka Galata
Hallee luya
Hallee luya.
Duuchchi Woddike Goottik erganjuwwi galateefatte;
Ee, Duuchchi Woddike Goottika summa saadde.
Ta'inaa'n duuchchi woddi'a
Duuchchi Woddike Goottik summi saademowwaal.
Arsho fuldammabaa'n aaggamaba'i qico'ni
Duuchchi Woddike Goottik summi saadwmowwaal.
Duuchchi Woddik Gootti gosa gosake arduwwi duuchchi iimi darre quba sa'eeken,
gaachchanni isikinna iimuwwati iimi darren.
Duuchchi Woddike Gootta no'oke Magenishsha
iima ifixxe moote'n ayyete ofo'leek?
Iimate'ninna buttate'n hedheekaara uudatee
umo ifika butti'a ayyete heeshshi assaak?
Isi hiyyeessa bukotenaa'n fulchaan;
rakkiyyetanna bululokenaa'n xungote'n fulchaan.
Ja'laabuwwiinxa qixxe bakka isi'a uwwaan
arda isike hayyichchuwwikinna isoo ofo'lshaan.
Ila affebaaxxanna mine isenge'ni galchaan;
gammadiinxenna oosetixxe ama isee assaan.
Hallee luya.
Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.