Skip to content
BibleKenya

Gedeo Bible

Faarotikaa Maxaafa 112

Mageniinke Manjixxa Gammashsho

Hallee luya.

Duuchchi Woddika Gootta sodaataake

ajaja isike'ni yo'oshsha gammadaake manjixxa wodo.

Horte isixxi bogi giddo hunna afe'eexxe kaddaan;

qajeeli mannixxi ila eebbisendaan.

Karratinna qabeeni isike mini giddo hedheen;

isixxi qajeelummanna duuchchii woddi'a hexxaan.

Isi ba'lake o'waakenna qullichchake kadeemmashshanni

qajeeli manjia'a dukkanna giddo ifi ifaan.

Arja, ba'lummati liqeessaakeenna

huje ifixxa qajeelummati hujaake manji'a

eloxxi isi'a kaddaan.

Isi duuchchi woddi'a hedheebaa'ni munnuqqi hiyya gophaammaxxee'e

qullichchi manji qaabbatema'nee hedhaan.

Fuggoxxa oddo sodaatabaan;

Duuchchi Woddike Gootta'n addatati isi godoba jabaken.

Isi godoba jabaken; sodaatabaan;

udumi uduma, ifike naaphixxa injifatema uudaan.

Arjummati rakkiyyetee'e qoodeen;

qullumma isixxinna duuchchi woddi'a hexxaan;

gaachchanikinna leellee'e, quba sa'e ulfeessemaan.1

Fuggichchi manji tennee uudeexxi aaraan;

issotanna ga'medhaan; butti'a higgenna ba'aan;

fuggaaleeyyetixxi yorte oranni gattaan.

Source notes (1)
  1. Cross-reference 2 Qor. 9:9.

Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.