Zozue 12

Ling hio kongapora ndɔng ka hio wi mɔ Israel gbɛa mbwa

1Hio wi mɔ Israel gbɛa hio kongapora bwa nɛ wal guteswe mɔ Zurdain, nɛ mbwa baa kandɔnu ka angiri hali mɔ Arnon tee gboa ngari mɔ Hermon, nɛ ɔsa nde kandɔnu ka gutɛ ha wal kala mɔ bikonu mɔ li Zurdain. 2Bosi wi nɛ Sihon, kongapora mɔ Amori, ka ɔnu ha Hesebon. Wɛnɛ dungɔ nɛ kongapora hazu titi bikonu mɔ Arnon nɛ wal mɔ Aroer nɛ hazu kandɔnu mɔ Galaad, gboa li mɔ Yabok, ha lingia pɛ mbwa hinɛ hio wi mɔ le Amon. 3Wɛnɛ badung fin hazu kandɔnu ha wal guteswe mɔ bikonu Zurdain, nɛ tɔk li Genezaret, nɛ wal kala, gboa Fea nana li tong, sanga nɛ Bet-Yesimot, fin nɛ wal gdɔk, kandɔnu mɔ si nanga ngari Pisga. 4Bwa kongapora nɛ̂ Og, wɛnɛ nɛ̂ kpogio wi hazang kandɔ mɔ Refa ka dung hazu le mɔ Basan nɛ wɛnɛ ɔnu ha Asetarot nɛ Edrei. 5Konga-kandɔnu pɛa dungɔ nɛ ngari mɔ Hermon, Salka, nɛ Basan fɛt gboa lingia pɛ hio wi mɔ Gesur nɛ pɛ hio wi mɔ Maaka, ba fin nɛ̂ olo titi nu mɔ Galaad gboa konga-kandɔnu pɛ Sihon, kongapora mɔ Hesebon. 6Moize nɛ hio wi mɔ Israel gbɛa hio kongapora ndong bwa, nɛ Moize, wantom pɛ Wankpoo haa le ɛngi ha hio kandɔ pɛ Ruben, nɛ pɛ Gad nɛ titi kandɔ pɛ Manase.

7Hapata ɛngi, ka Zozue nɛ hio wi mɔ Israel gbɛa hio kongapora ndɔng bwa nɛ wal ɔnu swe mɔ li Zurdain, hio kandɔnu pɛ mbwa angiri ha Baal-Gad, hazang bikɔnu mɔ Liban, nɛ wal kala gboa kuso ngari sanga nɛ Seir nɛ wal gdɔk. Zozue haa hio kandɔnu ndɔng ha hio wi mɔ Israel nde mbwa kapani ha soko kandɔ pɛ mbwa. 8Yo osa nde kandɔnu mɔ zu ngari, le mɔ wal gdɔk, mɔ bikonu mɔ li Zurdain, kandɔnu mɔ hio bebe ngari, mɔ kpɛnu nɛ kandɔnu mɔ wal gdɔk. Nɛ hio kandɔnu ka hio wi mɔ Het, hio wi mɔ Amori, hio wi mɔ Kanaan, hio wi mɔ Perizi, hio wi mɔ Hivi nɛ hio kandɔ mɔ Yebus. 9Hio kongapora mɔ ngbale ka Zozue gbɛa mbwa nɛ̂ ɛngɛ: mɔ Zeriko, mɔ Ai, sanga nɛ Betel, 10Zerisalɛm, Hebron, 11Yarmut, Lakis, 12Eglon, Gezer, 13Debir, Geder, 14Horma, Arad, 15Libna, Adulam, 16Makeda, Betel, 17Tapua, Hefer, 18Afek, Saron, 19Madon, Hasor, 20Simron-Meron, Akesaf, 21Taanak, Megido, 22Kedes, Yokneam ha Karmel, 23Dor ha pɛtɛ li, Goim ha Gilgal, 24Nɛ Tirsa. Gili hio kongapora fɛt dea bhukoa-tar gbala ndang.