Mazamure Maxaafa 61

Dawiti Zammareta Kaabbos Diiththatan Yexxida Mazamure

1Abeet Xoossawu!

Neni ta waasoza siya;

ta woosaakka ezga.

2Ta wozinay taahiin

biitta gaxan dashe ta nena xeygays;

taappe dhoqqiza zaallaako tana kaaleththa.

3Neni taas geemmizasonne

tani ta morkketappe

naagetta attiza mino miixa.

4Tani ne Dunkaanezan mernaas daana;

ne qefe giddon kametta attana.

5Abeet Xoossawu!

Neni ta adina siyadasa;

ne sunththa yayyizayti

laattiza laata taaska immadasa.

6Kawoza shemppo gam7isa;

iza layththaa yeletappe yeleta gaththa.

7Izi Xoossa sinththan mernaas kawoto;

ne mernaa siiqoninne

ne tumateththan iza naaga.

8Histtiko tani ta adina

gallas gallas gaththana;

ne sunththaaka ubbato

yeththan sabbana.