Geeshsha Mexaafa
Mazamure Maxaafa 150
GODAY galatetto!
Xoossa iza keeththan galatite;
iza wolqqay diza
salo gufanththon
iza galatite.
Izi ooththida
wolqqama oosota gishshas
iza galatite;
izi keehi gita gidida gishshas
iza galatite!
Zayen iza galatite;
bagananinne maasinqon
iza galatite.
Karabe baqqishenne durishe
iza galatite;
tammu shayan waaxettida
diiththaninne
susul7en iza sabbite.
Daala qaaththishe iza galatite;
daalaa shocishe iza galatite.
Shemppora paxa diza ubbay
GODAA galatite!
GODAY galatetto!
Geeshsha Mexaafa. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.