Geeshsha Mexaafa
Mazamure Maxaafa 149
GODAY galatetto!
GODAAS ooraththa
mazamure yexxite!
Geeshshata shiiqoson izas
galata mazamure yexxite!
Isra7eele asati
bana medhdhidayssan
ufayettetto;
Xiyoone asati ba kawozan
keehippe ufayettetto.
Durishe karabe baqqishenne
diith diixxishe iza sunth sabbetto.
GODAY ba asan ufayettees;
ashketa ashshidi
bonchchon puulasees.
He puulateththaan Xoossa asati
ufayssan yexxetto;
gadey wonttana gakkanaas
ililishe yexxetto.
Istta doonan Xoossa galatay,
istta kushenkka
qara giththa mashshay de7o.
Istti hessan kawoteththata bolla
halo kessana;
asaakka qaxxayana.
Istta kawota sansalatan,
istta ola qaratakka
biratan qachchana.
Hessan istta bolla
xaafettida pirda polidi
Xoossa asati xoonana.
GODAY galatetto!
Geeshsha Mexaafa. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.