Geeshsha Mexaafa
Mazamure Maxaafa 129
Pude Kezishe Yexxida Mazamure
Isra7eele asay,
«Morkketi tana
yelagateththafe doommidi
daro wode un7eththida.
Tumappe istti tana
yelagateththafe doommidi
daro wode un7eththida;
gido attiin istti
tana xoonibeettenna.
Ta zokko xurqafen shoci shocidi
worxafettida gade misatissida» go.
Gido attiin GODAY xillo;
iitata wodoro duusereththidi
tana birshi yeddides.
Xiyoone ixxiza ubbay
yeellatidi guye simmo!
Keeththa kaara bolla mokkidi
heerakka meliza maata mala gido!
Hessi buucizaytas
kushe kumontta maata mala
woykko mirqqizaytaskka
danke kumontta kaththa mala.
He ogera aadhdhizayti,
«Xoossi wolqqa immo»
buucizaytikka,
«Xoossi anjjo» gooppetto.
Geeshsha Mexaafa. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.