Geeshsha Mexaafa
Mazamure Maxaafa 130
Pude Kezishe Yexxida Mazamure
Abeet GODAWU!
Tani ciimma
meto giddon dashe
neekko waassays.
Abeet Godawu!
Ta cenggurssa siya;
tani shoobbizayssa
ne hayththati ezgetto.
Abeet GODAWU!
Neni nu nagara
kaaletta kaaletta mazgabidaakko
abeet Godawu oonee ne sinththan
eqqi dandayanee?
Gido attiin nuni
nena bonchchana mala
neni nu nagara atto gaasa.
Tani GODAA laamotan naagays;
ta shemppoya
dandayan naagawus;
iza qaalaakka hidota ooththawus.
Zabeti sa7ay awude wonttaneesha
giidi naagizayssafekka bolla
tani Goda laamotan naagays.
GODAA achchan siiqoynne
maaroteththi diza gishshas
Isra7eele asawu!
GODAAN hidota ooththite.
Izi Isra7eele asaa
istta nagara ubbaafe ashshana.1
Source notes (1)
- Cross-reference Mato 1:21; Tito 2:14
Geeshsha Mexaafa. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.