Geeshsha Mexaafa
Mazamure Maxaafa 128
Pude Kezishe Yexxida Mazamure
GODAAS yayyizaytinne
iza ogen hemettizayti
ubbay anjjettidayta.
Neni ne daabura ayfe maana;
ne anjjettananne nees injjetana.
Ne machchiya neson ayfiza
woyne mala gidana;
ne naytikka ne maadda yuushon
wogara puute mala gidana.
GODAAS yayyiza asi
hessaththo anjjettana.
GODAY nena Xiyooneppe anjjo!
Neni de7ida layth ubbaan
Izi nena
Yerusalaame lo7eteth besso!
Izi nena nayta nayta gaththi besso!
Isra7eeles saroy gido!
Geeshsha Mexaafa. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.