Mazamure Maxaafa 112

1GODAY galatetto!

GODAAS yayyiza asi,

iza azazotakka polanaas

ufayettiza asi anjjettidayssa.

2Iza nayti biittan wolqqama gidana;

suure asata yeletay anjjettana.

3Aqotaynne dureteththi

iza keeththan dees;

iza xilloteththayka

mernaas de7ana.

4Kiya, qadhettizanne xillo ooththiza

suure asas dhuma giddon

poo7oy poo7ees.

5Kiyateththan coo tal7iza asas,

ba ooso suureteththan ooththiza

asas de7oy injjetana.

6Xillo asi awudenne kundenna;

mernaas izi hassa7ettishe de7ana.

7Iita miishshi iza daganththenna;

ays giikko iza wozinay hirgenna;

GODAAN ammaneettes.

8Iza wozinay mino;

mulekka yayyenna;

wurseththan ba morkketa

kundeth izi be7ana.

9Izi hiyeesatas kiyateththan immees;

qasse iza xilloteththay

mernaas dees;

iza kacey bonchchon

dhoqqu dhoqqu gaana.1

10Iita asi hessa be7idi yiillotees;

ba achchaa garccishe

coo gilqi dhayees;

iitata amoy hada gidana.