Geeshsha Mexaafa
Mazamure Maxaafa 113
GODAY galatetto!
Intteno GODAA oosanchchatoo!
GODAA galatite!
Iza sunththaaka sabbite!
GODAA sunththi hachchife
mernaa gakkanaas galatetto!
Arshey mokkizasoppe biidi
wullizaso gakkanaaska
GODAA sunththi galatetto!
GODAY kawoteththata ubbaafe gita;
iza bonchchoyka
salotappe dhoqqa.
GODAA nu Xoossa malay oonee?
Izi bolla dhoqqan
kawoteththa araatan uttides.
Izi salotaninne
sa7an dizayta
duge xeellees.
Izi hiyeesa gudullafe
dhoqqu dhoqqu histtees;
metotanchchaka
bidinththafe denththees.
Histtidi istta gita asataranne
dere shuumetara issife utisees;
Mayneyo nayta aayo ooththees;
bonchchidikka izison
izo ufayssan woththees;
GODAY galatetto!
Geeshsha Mexaafa. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.