Geeshsha Mexaafa
Mazamure Maxaafa 111
GODAA galatite!
Suureta shiiqoninne
dere duulatan
tani kumeththa wozinappe
GODAA galatana.
GODAA oosoti ay keena gitaa!
Isttan ufayettizayti ubbay
istti yuushshi qoppanaas bessees.
Iza oosoti bonchchoninne
teeman kumidayta;
iza xilloteththika mernaas dees.
Izi ba malalisiza oosota
hassa7ettana mala ooththides.
Izi kiyanne maariza GODAA.
Baas yayyizaytas kath immees;
ba caaqo qaalaakka
mernaas qoppees.
Allagata biitta ba deraas immidi
ba mino oosoza
ba kawoteththaa bessides.
Iza oosoti tumanne suure;
iza wogatikka
ubbay ammanettizayta.
Istti mernaas eqqi de7izayta;
tumateththaninne
suureteththan imettida.
Izi ba asaas atoteth immides;
ba caaqo qaalakka
isttas mernaas azazides;
iza sunththi geeshshinne yashissizaaza.
Aadho erateththas koyroy
GODAAS yashshateththa;
iza azazo ooththizaytas
lo7o akeekay dees.
GODAY mernaas galatetto!1
Source notes (1)
- Cross-reference Iyo 28:28; Leemi 1:7; 9:10
Geeshsha Mexaafa. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.