ሂዚቄላ ቲንቢቴ

ሂዚቄላ ቲንቢቴ

ጊዶ ቆፋ

ናቤ ሂዚቄሊ ዬሩሳላሜይ ኪርስቶሳ ዬሌታፔ ካሴ፥ 586 ላይን ላሌታናፔ ሲንኒኔ ላሌቲዳፔ ጉዬን ዲኤቲዲ ባቢሎኔን ዴኢዴስ። ኢዚ ቲንቢቴን ዮቲዳ ቃላይ ዲኤቲ ቢዲ ባቢሎኔን ዲዛይታሲኔ ዬሩሳላሜን ዲዛ ኣሳታሳ፤ ሂዚቄላ ቲንቢቴ ማጻፋይ ኦይዱ ኣይፌ ዮኦን ሻኬቴስ። 1. ኣሳ ቦላ ጾሳ ፒርዳይ ያና ማቲዳይሳኔ ዬሩሳላሜይ ኦይኬታዳ ላሌታና ማቲዳይሳ ቆፍሴስ (1-3)። 2. ጾሳይ ባ ኣሳ ኡንኤዳኔ ባሌዳ ዱማ ዱማ ካዎቴታ ቃጻያናስ ዮቲዛ ቃላ (4-24)። 3. ዬሩሳላሜ ኩንዴፌ ሲሚን ኢስራኤሌ ኣሳ ሚንናስ ኢሜቲዳ ኪታኔ ሲንፌ ኢዚስ ያና ሎኦ ቃዳ ጊሻስ ዮቴቲዳ ሂዶታ ቃላ (25-39)። 4. ጾሳ ኬኔ ኢስራኤሌ ካዎቴይ ቤኒይሳ ሃናናይሳ ሂዚቄሊ ዱማ ሚስሌን ቆንጪሲዴስ (40-48)።

ሂዚቄሊ ጊታ ኣማኖይኔ ኣኬካይ ዲዛ ኣሳ። ሲንፌ ሃናና ዮኦታ ኢዚ ኣጁታን ቤዪዴስ። ኢዛ ኪታታፔ ዳሪዛ ባጋቲ ቆንጬን ሌሚሶራ ፖሌቲዳ። ሂዚቄሊ ቆንጪሲ ቤሲዳይ ጊዶ ዎዚናኒኔ ኣያናን ኦራቴ ኮሺዛ ጊሻስ ኢሶይ ኢሶይ ባ ናጋራ ጊሻስ ኦይሼታና፤ ሄሳፌካ ቦላራ ዴሬዛ ኦራቴን ያና ሂዶታ ቆንጪሴስ። ሂዚቄሊ ቄሴኔ ናቤ ጊዲዳ ጊሻስ ጾሳ ኬ ጊሻሲኔ ጌሻቴ ጊሻስ ዱማ ዉዴቲዳይሳ ቤሲዴስ።

ሃ ማጻፋይ ኦይኪዳ ኩሜ ቆፋ

ሂዚቄሊ ናቤቴስ ዶሬቴኔ ጾሳ ቦንቾ ቤኦ

ሂዚቄሊ ሌሚሶን ቆንጪሲዳ ዬሩሳላሜኔ ዩሁዳ ዮ

ባሺ ማቲዳይሳ ቆንጪሴ

ጾሳ ቦንቾይ ናጋራንቻ ጊዲዳ ዬሩሳላሜ ኣጊ ቡስ

ዩሁዳ ኩንዴኔ ዬሩሳላሜ ኩንዴ

ሃራ ካዎቴታ ቦላ ዮቴቲዳ ፒርዳ

ዴሬይ ባ ናጋራፔ ሲማና ማላ ሂዚቄሊ ኢሚዳ ሴራ

ዬሩሳላሜ ኩንዴ

ጾሲ ዴራ ዛራናሲኔ ዩሁዳ ኣሻናስ ኢሚዳ ሂዶታ

ጎጌ ጾኔቴኔ ኢስራኤሌ ሲሞ

ሲንፌ ኦሴታና ጾሳ ኬ ጊሻስ ሂዚቄሊ ቤኢዳ ኣጁታ

ጾሳ ኬ ጊዶፌ ፑልቲዛ ሃ

ኢስራኤሌታ ቆሞን ቆሞን ጋካና ጺንጾ