गलातिया 6

एक दिसरान मदत करू

1हे भाईस्यो, यदि कोय मानुस काहना गुणेहगार मा धराय भी जाय ते तुमू जा आत्मिक छे, नम्रता साथे ओसला काजे सोमावजु, आरू आपसी भी चौकसी राखु कि तुमू भी पारख मा नी पड़ु। 2तुमू एक दिसरान भार उठावु, आरू एर प्रकारे मसीहान व्यवस्था काजे पूरी करू। 3काहकि यदि कोय काहय नी हुयने पर भी आपने आपसु काय समझता छे। ते आपने आपसु धोखु देता छे। 4पर हर एक आपसा कामो काजे तपास ले, आरू तव दिसरान विषय मा नी पुन आपसा विषय मा उका डाहळाय करनेन मेखे रोवे। 5काहकि हर एक मानुस आपनुज वजन झेलसे। 6जु वचन क शिक्षा सापड़े छे, चाँ सब वारली वस्तु मा सिकावनेवावा काजे भागी करू। 7पुन हर एक काजे जात्यो जु आपने आपसु कोय धोखु मा देवु; यहोवा–भगवान काजे मुर्ख बनाव नी सकतला, तुमू यो काटसे जो तुमूक वेरला छे। 8काहकि जु आपसा शरीरन करता वेरतु छे, त्यो शरीरन द्वारा विनाशन काटनी काटसे; आरू जु आत्मान करता वेरतु छे, त्यो आत्मान द्वारा अमरकाय जीवनन काटनी काटसे। 9हामु वारलो काम करने मा हिम्मत नी छुड़सु, काहकि यदि हामु ढीला नी होयजे ते ठीक टेहाव पर काटनी काटसु। 10अतरान करीन जव तक मेखे जुड़े सबन साथे वारलो करू, जास्ती करीन विश्वास भाईस्यो साथे।

आखरी चेतावनी आरू नमस्कार

11देखु, हाव कोसो मोटा ओवाजा मा तुमूक आपने हाथ करीन लिखलो छे। 12जा मानछे शारीरिक दिखावा चाहता छे चाच तुमरा खतना करावनेन करता दबाव नाकता छे, केवल अतरान करीन कि चाँ मसीहन कुरूसन कारण सतावनु नी जुवे। 13काहकि खतना करनेवावा खुद ते व्यवस्था पर नी चालता, पर तुमरा खतना अतरान करीन करनो चाहता छे कि तुमरी शारीरिक दशा पर डाहळाय करे। 14पर ओसो नी हुये कि हाव दिसरा कोसली वातन डाहळाय करो केवल आमरू पोरबु ईशु मसीह कुरूसन, ओको द्वारा संसार मा मारी दृष्टि मा आरू हाव संसारन दृष्टि मा कुरूस पर चढ़ायु गयु छे। 15काहकि नी खतना आरू खतनारहित काहय छे, पुन नोवली धरती। 16जोतरा इना नियम मा चालसे उका पर, आरू यहोवा–भगवानन इस्राएल पर शांती आरू दया होतली रोवे। 17पतरस काजे समाप्त करता होतु हाव तुखे रावन्या करतु छे, कि हिमी मखे कोय दुःख मा देवु, काहकि हाव ते पेहल ही आपसा देह मा ईशु काजे जाने कय रयु छे। 18हे भाईस्यो, आमरू पोरबु ईशु मसीहन फोकटन दया तुमरी आत्मा साथे रवे। आमेन।