गलातिया 3

व्यवस्था या विश्वास

1हे विनअकलिया गलातिया, कुन तुमूक मोह लेदु छे? तुमरी ते मानो डुवान सामने ईशु मसीह कुरूस पर देखाड़यो गयो। 2एक वात जावने चाहतु छे, कि तुमूक चुखलो आत्मा विश्वास करने छे जड़से, 3काय तुमू ओसा निर्बुध्दि छे कि आत्मान रीति पर चालु करीन हिमी शरीरन रीति पर खतम करसु? 4काय तु ओतरो दुःख वायेज उठाडयु? पुन एक दे दाहाडे वायेज नी। 5जु यहोवा–भगवान दान करता आरू तुमूक हाव शक्तिन क काम करतु छे, कि तुमू व्यवस्था काजे सोमव्या आरू तिना पर विश्वास कर्‍या? 61जोसो अब्राहम न पारखनेन विषयमा शास्त्र मा लिखलो छे, “त्यो ते यहोवा–भगवान पर विश्वास करलो आरू ओकान विषयन कारण यहोवा–भगवान ओका न्यायी मान्यु।” 72शेवली कावा यी जान लेवु कि जु विश्वास करनेवावा छे, चाँ अब्राहम न पिढ़ीन पोर्‍या छे। 8चुखलोशास्‍त्र पेहल ही छे यी भविष्यवाणी जानीन कि यहोवा–भगवान गैरयहुदीन काजे विश्वास रईन न्यायी ठहरावछे, आरू पेहल रईन अब्राहम यो खुश खबर अन्यजाती कय देदु कि “तुखे रईन सब जातिया काजे बरकत जड़से।” 9अतरान करीन जा विश्वास करनेवावा छे, चाँ विश्वास अब्राहम साथे बरकत हाववछे छे। 10अतरान करीन जोतरा मानसे व्यवस्थान कामो पर विश्वास राखता छे, चाँ सब शापन हको तळे छे, काहकि लिखलो छे “जु व्यवस्थान किताब मा लिखली होई सब वातु करने मा स्थिर नी रोवता, चाँ शापित छे।” 11पर यी वात प्रकट छे कि व्यवस्थान द्वारा यहोवा–भगवानन यी कोय न्यायी नी ठरावता, काहकि न्यायी जन विश्वास छे जीवता रोवछे। 12विश्वासन साथे बल्की जोसो शास्त्र मा लिखलो छे, “जु ओका सी मान छे, त्यो ओको साहारे जीवतु रोवछे।” 13मसीह जु हामरे करता शापित बन्यु, हामुक किमत लिन व्यवस्थान शाप छे छुड़ावलु, काहकि लिखलो छे, “जु कोय कुरूसन काठ पर लटकायु जातु छे चाँ शापित छे।” 14यो अतरान करीन होयलो कि अब्राहम की बरकत मसीह ईशु मा गैरयहुदी तक पुगे, आरू हामु विश्वासन द्वारा उका आत्मा काजे हासिल करे जेरी प्रतिज्ञा होयली छे।

व्यवस्था आरू वाचा

15हे भाईस्यो, आरू बहनीस हाव दाहड़ीन जीवन छे एक उदाहरण आपने जाय रयु छे, जोसो मानसोन द्बारा एकदु करार कर लेदु जाछे पुन नी ते ओका सी कम करता आवे छे, आरू नी तीनाक काहय घटाड़ी जा सकता छे आरू नी बढ़ावता आवसे, 16अब अब्राहम आरू ओकी अवलियाद क योहवा भगवान यो प्रतिज्ञा देदो, ओका बाराम शासतुर यो नी कहवे कि घण सवटान क बाराम पुन जोसो एक न क बाराम कि “तारी अवलियाद क” आरू त्यो मसीह छे। 17पर हाव यो कयतु छे: जु करार यहोवा–भगवान अब्राहम साथे पेहलुज ठराव कर देदु, उका चार सौ तीस सालन बाद आवीन नी प्रतिज्ञा नी बदली सकतली। 183काहकि यदि यहोवा–भगवानन दान जवाब हकी व्यवस्था रईन मिवी ते त्यो प्रतिज्ञा पर आधारित पर नी होय। अब्राहम काजे प्रतिज्ञान द्वारा आप दिदा छे। 19ते पछो व्यवस्थान उद्देश होतो? हुकुमन नी माननो गुणा कारण व्यवस्था साथे जुड़ दिदो छे, काहकि जिनान करता वचन दिदा हुता, तिनी पिढ़ी काजे आवनेन टेहाव तक चाँ रया, व्यवस्थान माध्यमन रूप मा मूसान मदत छे सोरगदूत द्बारा आप देदी होती। 20मध्यस्थ ते एकन नी होतो, पुन यहोवा–भगवान एकुज छे।

व्यवस्था क उद्देश्य

21ते काय व्यवस्था यहोवा–भगवानन प्रतिज्ञान विरोध मा छे? कदी भी नी। काहकि यदि ओसी व्यवस्था आपी जाती जी जीवन आप सकती, ते सचमुच न्यायीपन व्यवस्था छे होतली छे। 22पुन चुखलो शास्त्र सब काजे पापन हो देदु, ताकि ची प्रतिज्ञा जिनान आधार ईशु मसीह पर विश्वास करनो छे, विश्वास करनेवाळान करता पुरी होय जाय। 23पर विश्वास आवने रईन पेहल व्यवस्थान हको तळे मा आमरू राखवावु होतली छे, आरू उका विश्वास आवनेन तक जो प्रकट होयनेवावो होतो, हामु ओको बन्धन मा रोवे। 24अतरान करीन व्यवस्था मसीह तक पुगावनेन करता हामरी शिक्षक होयली छे कि हामु विश्वास रईन न्यायी ठरछे। 25पुन जव विश्वास आव त्योक्यु, ते हामु हिमी शिक्षकन हको तळे नी रोवजे। 26काहकि तुमू सब ओको विश्वासन द्वारा जु मसीह ईशु पर छे, यहोवा–भगवानन पोर्‍या रोवे। 27आरू तुमूक मा रईन जोतरा मसीह मा बपतिस्मा लेदा छे चाँ हेकोने मसीह काजे पेहर लेदा छे। 28हिमी नी कोय यहूदि रोयु आरू नी यूनानी, नी कोय दास नी स्वतंत्र, आरू नी कोय नर नारी, काहकि तुमू सब मसीह ईशु मा एक छे। 294आरू यदि तुमू मसीहन छे ते अब्राहम न वंश आरू प्रतिज्ञान लारे वारिस भी होय।