गलातिया 2

पौलुस आरू दिसरा प्रेरितन द्वारा मान्यता

11

चौवदा सालन बाद हाव बरनबास साथे पछु यरूशलेम काजे गयु, आरू तीतुस काजे भी साथे ली गयु। 2हाव चाँ गयलु आरू गैरयहुदी वावान विच मा जिन खुश खबर करतु छे, उका खुश खबर काजे हाव एक घरन सभान विच मा मण्डलीन मुखिया काजे सोमवाड्यु, हाव चाँ एरकरीन गयु होतु, कि यहोवा–भगवान मखे सपनाम देखाड्यु होतु, कि मखे चाँ जानु जुवछे, ताकि जो काम हाव पछला दाहाड़ाम करलो होतु, क जिनाक हाव कर रयु छे, चो बेकार नी जाय। 3पुन तीतुस काजे भी जो मार साथे होतु आरू जु गैरयहुदी यूनानी छे, खतना करनेन करता मजबुर नी कर्‍या गया। 4या चो झूठा तीन भाईस्यों कारण होयलो जा त्योराये बराय आश हता, कि तीन स्वतंत्रता काजे जी मसीह ईशु मा हामु जुड़ी छे, भेद लिन हामुक दास बनाड़े। 5एक घड़ी भर मा ओको हको तळे होयनु हामु ने नी मान्या, अतरान करीन कि खुश खबर सच्चाई तुमूक मा बोनली रोवे। 6जा मानसे काहय जरूरी लागता छे, चाँ चाहता छे चो होयछे मखे हेके कोय फरक नी पड़तु, यहोवा–भगवान कुदान बाहरलु रूप देखीन भेदभाव नी करे; हेके जु आपसा आपसु जरूरी मानसे हुता, हेके रईन कोय फायदु नी होय, 7पुन उका उलटो जव उका काजे देख्या कि जोसो खतना करला होयलो मानसो करता खुश खबर काम पतरस काजे सोपलो गयलो, तोसोज खतनारहितोंन करता मखे खुश खबर सोंबावने सोपलो गयो। 8काहकि जा पतरस जु खतना करला होयला मा प्रेरिताईन काम डाहला शक्ति सहित करावला, त्यो मखे रईन भी गैरयहुदी मा शक्तिशाली काम करावलो, 9आरू जव ओका उका फोकटन दया काजे जो मखे मिवायलु हतो जान लेदो, ते याकूब, आरू कैफा, आरू यहुन्ना जी मंडळी खांम्बा समझा जाता हतो, मखे आरू बरनबास संगतीन ढासचूयु हाथ आपियो कि हामु गैरयहुदीन जु जावु आरू चाँ खतना कर्‍या होयला जु; 10केवल यो कयलु कि हामु गरीब कि सुधि ले, आरू इना काम क करनेन काजे हाव तुमूक भी यत्न कर रया हुता।

पौलुस द्वारा पतरस क विरोध

11जव कैफा अन्ताकियान सामने आयु ते हाव हेके सब मानसन सामने विरोध करलो, काय चो पुरी रीति छे गलत हतो, 12हेरेन करता कि याकूबन द्बारा मकल्या ओसा काहय मानसे यहूदि आवनेन पेहल पतरस गैरयहुदी वावा भुरसन साथे खाता–पिता करता हुता, पुन जा मानसे पुग्या ते पतरस गैरयहुदी विश्वासी क साथे रईन दुर होया, आरू हेके साथे खाने–पिनेन बंद कर दिदा, चाँ त्यो तिनु मानसोन डर छे ओसो कर्‍यु जो चाहता छे, कि गैरयहुदीन भी खतना होयनु जुवे। 13दिसरा यहूदि मानसे भी इना देखावा मा भी पतरस न साथ दिदा, या तक कि इना पाखंडीन कारण बरनबास भी भटक गयु। 14पर जव हाव देख्या कि वा खुश खबर सच्चाई पर सुधी चाल नी चालता, ते हाव सुबन सामने कैफा पतरस काजे। कयो, “जव तु यहूदि होईन गैरयहुदीन समान चालता छे आरू यहूदि योन समान नी ते तु गैरयहुदीन यहूदि योन समान चालने काँ कयतु छे?”

विश्वास द्वारा न्यायी ठहरना

15हामु ते जन्मा रईन यहूदि छे, आरू पापी गैरयहुदी मा रईन नी 162तिभी यो जानीन कि मानुस व्यवस्थान कामो रईन नी, पर केवल ईशु मसीह पर विश्वास करनेन द्वारा न्यायी ठहरता छे, हामु ते आप भी मसीह ईशु पर विश्वास करला कि हामु व्यवस्थान कामो रईन नी, पर मसीह पर विश्वास करने पर न्यायी रूकाय; अतरान करीन कि व्यवस्थान कामो मा कोय मानुस न्यायी नी ठरसे। 17हामु जा मसीह मा न्यायी ठहरावने चाहता छे, यदि तुमूक भी पापी निकल्या ते काय मसीह पापन सेवक छे? कदी भी नी। 18काहकि जो काहय हाव पाड़ देदु यदि उका पछु बनावतलु छे, ते आपने आपसु काजे गुणेगार ठहरावतलु छे, 19हाव ते व्यवस्थान द्वारा व्यवस्थान करता कुरूस पर मर गयु क यहोवा–भगवानन करता जीवो। 20हाव मसीह साथे कुरूस पर चढ़ावलु गयलु छे, हिमी हाव जीवतु नी रोयु, पर मसीह मखे मा जीवतु छे; आरू हाव शरीर मा हिमी जु जीवित छे ते केवल ओको विश्वास छे जीवतु छे जु यहोवा–भगवानन पोर्‍य पर छे, जु मार छे मोंग करलो आरू मार करता आपसा आपसु काजे आप देदु। 21हाव यहोवा–भगवानन फोकटन दया काजे वाया नी ठरावतला; काहकि यदि व्यवस्थान द्वारा न्यायीपन होती, ते मसीहन मरनु वाया रोवतो।