परमेश्वरन सत्य वचन
1 तीमुथियुस 6
जोतरा मानसोन क जुवड़ो क नेचो छे, वो आपने आपने भगवान क मोटो विजुत क योग्य जाने, ताकि यहोवा–भगवान क नाव आरू शिक्षा की निन्दा नी होय। जिदरा भगवान विश्वास छे तीनुक वो भाईस हुयने क कारण तुच्छ नी जाने, बाकुन तीनदरी आरू भी सेवा करे, काहकि इनासे लाभ उठाड़नेवावा विश्वास आरू मोंगावु छे। इन वात क शिक्षा कर्या कर आरू समझातो रया।
झूठी शिक्षा आरू धन क लोभ
जेतार काही आरू ही प्रकार क शिक्षा देता छे आरू सची वात क, मतलब आमरो पोरबु ईशु मसीह की वात क आरू ओको शिक्षा क नी मानतो, जो भक्ति क लारे छे। तो वो डाहवाळों होय गया, आरू काही नी जानतो वरना ओको विवाद आरू ओवाज तर्क करने क बीमार छे, जिनान डाहवाय आरू झगड़ो आरू निन्दा बुरे बुरे संका। आरू उन मानुस मा व्यर्थ रगड़े झगड़े पैदा हुयसे छे जिनकी बुध्दि बिगड़ गयी छे, आरू वो सच्चाई छे भटक गया छे, जो समझता छे कि भक्ति कमाय क व्दरा छे।
पर सन्तोष सहित भक्ति मोटी कमाय छे। काहकि नी हामु धरती मा काही लाया छे आरू नी काही ली जाय सकता छे। यदि हामरे साथे खाने आरू पेहरने क होय, तो इन्ही पर सन्तोष करनो जूवे। पर जो धनी हुयने जूवता छे, वो ओसी परीक्षा आरू फांदा आरू घोणा सी व्यर्थ आरू हानिकारक लालस मा फंसता छे, जो मानुस क बिगाड़ देता छे आरू विनाश क दरिया मा डुबा देती छे। काहकि पयसियान लालच आखी बुराई न मुव छे, जिनाक हासिल करने क कोशिष करता होया घोणा ने भूरसो छे भटकीन आपने आप क हरेक प्रकार क दुःख मा फसाय लेदा छे।
तीमुथियुस क व्यक्तिगत निर्देश
पर हे यहोवा–भगवान क जन, तु इन वात छे भाग आरू न्यायपन, भक्ति, भूरसो, मोंग, धीरज आरू नम्रता क पीछा कर। विश्वास की वारली कुश्ती लड़ाय आरू ओको अमरकाय जीवन क धर लेय, जिदरे करता तु बुलाया गया आरू घोणा छे गवा क सामने वारली पछतायो कर्या हुता। 1हाव तुखे यहोवा–भगवान क, जो सब क जीवता राखतो छे, आरू मसीह ईशु क गवाय करीन जा पुन्तियुस पिलातुस क अगो वारलो पछतायो कर्या, यो हुकुम देता छे। कि तु हामरे पोरबु ईशु मसीह क प्रगट हुयने तक इनी हुकुम क निष्कलंक आरू निर्दोष राख। जिनान वो ठीक टेहाव पर देखाड्यो, जो सयाळा धन्य आरू एकुत् अधिपति आरू राजा क राजा आरू पोरबु क पोरबु छे। आरू अमरकाय डील केवल ओकी छे, आरू वो विनदेखियो दिवा मा रयता छे, आरू नी ओको काही मानुस ने देखा आरू नी कदी देख सकता छे, ओकी मान मर्यादा आरू राज अमरकाय युगानयुग रवछे। आमेन
इनी संसार क धनवान क हुकुम देदी कि वो डाहवाळा नी होय आरू खाटळो धन पर आश नी राखे, काहकि यहोवा–भगवान पर जो हामरा सुख क करता सब काही बहुतायत छे देता छे। वो भलो करे, आरू वारला काम मा धनी बने, आरू उदार आरू मदत देने मा तत्पर होय। आरू ओगव क करता एक वारली नींव नाख राखे कि सचो जीवन क वश मा कर लेय।
हे तीमुथियुस, इनीये धरोहर की राखवावी कर; आरू जिनूक ज्ञान कयनो ही भूल छे, ओको विटळ बकवाद आरू विरोध की वात छे बाहर रये। कोतरा इनीये ज्ञान क पछतायो करीन भुरसा सी भटक गया छे। तुमू पर फोकटन दया होतो रये।
Source notes (1)
- Cross-reference यहुन्ना 18:37
परमेश्वरन सत्य वचन. Copyright © 2025 The Word for the World International and Dhankavi Mandli, Khargon, Raykhed, Nandurbar, Maharashtra 2025. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.