परमेश्वरन सत्य वचन
1 तीमुथियुस 5
विश्वासिया क हर जिम्हाववारियां
काही डाहला क मानसक लड़े, पर ओको बास जानीन समझाड़ देय, आरू जुवान्या क भाईस जानीन। डाहली बायर क आश जानीन; आरू जुवान बायर क पूरा चुखलो मा बहिनीस जानीन समझाड़ दे।
तिनी रंडायली क, जो छाचीत रंडायली छे, विजुत कर। तव कुधु रंडायली क पोर्या या नाती पोते होय, तो वो पेहल आपने ही घराने क साथे भक्ति क बर्ताव करने, आरू आपसा आश बास शुरू ओको हक देने सीख्या, काहकि यो यहोवा–भगवान क भाता छे। जो सचमुच रंडायली छे, आरू ओको काही नी, वो यहोवा–भगवान पर आश राखती छे, आरू रात दाहडु रावन्या आरू प्रार्थना मा लौलीन रयती छे। पर जो भोगविलास मा पड़ गयी, वो जीवता जीवीन मर गयी छे। इन वात की भी हुकुम दिया कर काहकि त्यो निर्दोष रोवे। पर यदि काही आपसा की आरू निज करीन आपने घराने की चिंता नी करे, तो वो विश्वास छे मुकर गया छे आरू विनभुरसीया छे भी बुरा बन गया छे।
इनी रंडायली क नाव लिख्यो जाय जो साठ साल छे कम की नी होय, आरू एक ही घर वावा की बायर रोवी होय। आरू भले काम मा सुनाम रोवी होय, जिना ने पोर्या क पालन पोषण कर्या होय पाहंनतराय की सेवा करी होय, चुखलो मानसे क पाय धुवीन होय, दुखियो की मदत करी होय आरू हर एक वारलो काम मा मन लागाड़ ्यो होय।
पुन सजुवान रंडायली क नाव नी लिखनो, काहकि जव वो मसीह क विरोध करीन सुख विलास मा पड़ जाती छे तो वियाव करने जूवता छे। आरू दोषी ठेरायती छे, काहकि चे आपने पेहल भुरसा क छुड़ दिदा छे। इनान साथे ही साथे वो घर घर पुगीन आलसी हुयने सीखती छे, आरू केवल आलसी नी पर बकबक करती रयती आरू दिसरा क काम मा हात भी नाखती छे आरू गलत वात बुलती छे। अतरान करीन हाव यो जूवता छे कि जुवान रंडायली वियाव करे, आरू पोर्या पैदा आरू घर बार समावे, आरू काही विरोधी क बदनाम करने क मेखे नी देय। काहकि एक तो भड़कीन शैतान क पछव होय त्योकी छे। जेतार काही विश्वास क याहा रंडायली होय, तो चो उनकी मदत करे कि मंडळी पर भार नी होय, ताकि वो उनकी मदत कर सके जो छाचलीत रंडायली छे, मंडळी पर बोध नी नाखे।
जो डाहडा वारला तयारी करता छे, खास करीन वो वचन सोमवने आरू सिखने मा हावहनत करता छे, दुय गुना विजुत क योग्य समझे जाय। 1काहकि चुखलो शास्त्र कयता छे, “दांवनेवावा बैल क मुय नी बांधने मजदूर आपसी मजदूरी क हकदार छे।” काही दोष काही डाहडा पर लागाड़ जाय तो बिना दुय या तीन गवा क तीनाक नी सोमव्य। पाप करनेवावा क सब क सामने समझाड़ देय, ताकि आरू मानसे भी बीहये।
यहोवा–भगवान, आरू मसीह ईशु आरू त्योने होया सोरगदूत क हजुर जानीन हाव तुखे चेतावनी देता छे कि तु मन उघाड़ीन इन वात क मानीन, आरू काही काम भेदभाव छे नी कर। काही पर शीघ्र हात नी राखने, आरू दिसरा क पाप मा भागी नी हुयने; आपने आप क चुखलो बनाय राख।
भविष्य मा केवल पानी ही क पीनेवावा नी रया, पर आपने पेट क आरू आपने बार बार बीमार हुयने क कारण थुड़ा थुड़ा अंगुर क रस भी काम मा लाया करू।
काही मानसे क पाप प्रगट होय जाता छे आरू न्याय क करता पेहल छे पुचाड़ जाता छे, पर काही क पछव छे आवता छे। वोसो ही काही भले काम भी प्रगट हुयसे छे; आरू जो ओसो नी हुयसे वो भी डुकाय नी सकता।
Source notes (1)
- Cross-reference मत्ती 10:10; लूका 10:7
परमेश्वरन सत्य वचन. Copyright © 2025 The Word for the World International and Dhankavi Mandli, Khargon, Raykhed, Nandurbar, Maharashtra 2025. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.