1 तीमुथियुस 4

झूठे शिक्षक

1पुन आत्मा स्पष्टता छे कयती छे कि आवनेवाळा टेहाव मा कोतरा मानसे सची वात छे छेटी ली जानेवावी आत्मा, आरू साहळा की शिक्षा पर मन लागाड़ीन भुरसा छे भड़की जाछे। 2यो उन झूठा मानुस क कपट क कारण होयछे, जिनका विवेक मर गया छे। 3जो वियाव करने छे रूकछे, आरू खाने की काही चीज छे छेटा रोवने की हुकुम देसे, जीनुक यहोवा–भगवान ने हेरेन करता बनायो कि विश्वास आरू सच्चाई क उवखनेवावा उको धन्यवाद क साथे खाय। 4काहकि यहोवा–भगवान की बनावली आखी चीज वारली छे, आरू काही चीज नी मानने क योग्य नी; पर यो कि धन्यवाद क साथे खायो जाय। 5काहकि यहोवा–भगवान क वचन आरू प्रार्थना क द्वारा चुखली होय जाती छे।

मसीह ईशु क वारलो सेवक

6यदि तु भाईस क इन वात की याद देवाड़ता रोवछे, तो मसीह ईशु क वारलो सेवक ठरछे; आरू विश्वास आरू ओको वारलो शिक्षा की वात छे, जो तु मानतो आयो छे, तारो पालन पोषण होयतो रोवछे। 7पुन भुंडी आरू डुकर्‍या की काहनी छे अलग रया; आरू भक्तिन शिकाड़ने कर। 8काहकि डीलन करीन काम करने छे कम लाभ हुयसे छे, पर भक्ति सब वात क करता फायदु छे, काहकि इनाक टेहाव क आरू आवनेवाळो जीवन की भी प्रतिज्ञा अतरान करीन छे। 9यो वात सच्ची आरू हर प्रकार छे मानने योग्य छे। 10काहकि हामु हावहनत आरू यन्त इनान करीन करता छे कि हामरी आश तीना जीवता यहोवा–भगवान पर छे, जो सब मानुस क आरू खास करीन विश्वास क उध्दारकरता छे।

11इन वात की हुकुम दे आरू सिकाड़ता रया। 12कुधु तारी जुवानी क नेची नी समझे; पर वचन, आरू चाल चालन आरू मोंग, आरू विश्वास, आरू चुखलो जीवन मा भुरसा क करता विजुत राखनीया बन जा। 13जव तक हाव नी आव, तव तक भन्ने आरू शिक्षा देने आरू सिकाड़ने मा लागलो रया। 14तिना वरदान क प्रति जो तारे मा छे, आरू भविष्यव्दाणी क द्वारा डाहडान हात राखता टेमे तुखे जोड़ल छे, तिना पर ध्यान दे। 15इन वात क सुचता रया आरू इन्ही मा आपनो ध्यान लागाड़तो रया, ताकि तारी बड़ती आखा पर प्रगट होय। 16तारी आरू तारो शिक्षा की चोकसी राख इन वात पर बनलो रया, काहकि तव ओसो करतो रोवीस ती तु तारे आरू तारी सोमवनेवावा क करता भी उध्दार क कारण होयछे।