Katoroŋ 5

1Degbeŋgyoo, tɔɔse keŋ be kɔŋ de dɔɔ,

kɛɛ na n ke naa da desɛŋ.

2De dedii ta bese tɛɛlese wɔlɛɛ wui,

te da akpaŋalaŋse bese ŋɔɔla wui.

3De ta bese yoyolobia baŋ dɔɔ dana kya ya,

de naɔ yɛɛ ŋgba liala nɛ.

4Dɛɛ lɛɛ loŋ keŋ dɛɛ nyɔɔ nɛ bo,

daa gbagba de daase dana koyadoŋ

5Baŋ bɔɔ kuu kyaa de dɔɔ nɛ ta benaa daa taŋ,

daa te kaa, mɔna dɔɔ ne nyiŋ dɛɛ fɛɛfo ya.

6De ta mo da wose fa Igyipitetena na Asiriyatena

na dee nyiŋ nyiŋ weenɛɛ burum di.

7De naanaɔ yɛɛ dukum te bɔɔ kyaa bela ya,

te ba deŋele kewɔŋ kɔŋa de dɔɔ.

8Gbeŋa ne diina de dɔɔ,

te ŋolo be kyaa waa lɛɛ daa lee be nyiŋmaase man ya.

9Dɛɛ ko da wose lee keŋ dee di dɔɔ

lee yoosila keŋ kyaa depampaa man nɛ dɔɔ.

10Da wose te laŋe ŋgba bodobodo kosɔ nɛ,

te tanam kawee te kyaŋ daa.

11Bee doona Siyɔn ala

bɛɛ ŋere Yuda keteŋse doona wɔ

12Be ta do kyaarabia nyiŋmaase ŋmeleŋ wuluŋu,

te bɔɔ na mo obuo fa kegyiise ya.

13Bɛɛ ŋere tewulɛɛ do naŋboe dɔɔ,

te daakpee kasolɔse ne yele tewulɛɛ ne kpaŋte.

14Kegyiise baŋ bɛɛ tekaa kɔŋ donɔɔ dinaa keŋ denaanɔɔ man ya,

tewulɛɛ te tina nɔɔneŋ kekpee yela.

15Dɔɔ dana kenyaŋee de konɔɔse man bela ya,

de sɔɔre ta bese waraŋsa kedi.

16Gyooro kotɔtɔɔ keŋ ta lee da nyeeya dɔɔ yala.

Dɛɛ laako, nawolo nyi da te yɛɛ dukum!

17Kei dɔɔ te da wose yɔkɔse daa

kɛŋa dɔɔ siasaraŋ te takaa de sia

18fa Siyɔn bula keŋ ke doo yakaa

te gbougbouse ne ke kila ke dɔɔ nɛ.

19Ao Degbeŋgyoo, nyaŋ ne diina gyoori kekpaakekpaa,

n gyoorogbeli kyaa kelii kalola kegyakaarese pou man.

20Weera dɔɔ te n ne kyaa wolee daa mena?

Weera dɔɔ te n bɛɛ daa kyare mena?

21Degbeŋgyoo, bese mo daa kɔŋ n gyaŋ, na dɛɛ tale bese kɔŋ,

na n ke yɛɛ da kekyaabii ŋgba beneŋ keŋ nɛ.

22Kenaŋ na n te bɛɛ daa korakora,

te n ta gyeŋ baŋ do daa kela mena keŋ kaboena.