Yeremiya 45

Nombii keŋ bɔɔ yako Baruke

1Yuda gyoo Yosiya bu Yehoyakim ke di gyoori kulutooneŋ anaarate ŋon man nɛ, Neriya bu Baruke ŋmarase nombia ŋan gbalare Yeremiya be yako e nɛ do tɔne man nyiaa, 2<<Nnɛ yaa Degbeŋgyoo, Iserae Wurubuarɛ ŋon ne yako fa nyaŋ Baruke. 3N yakowɔ nyiaa, <Maa laako, Degbeŋgyoo ta mo waraŋase kpu ma weeleŋ man, maa te kaana kakeŋee te mɔɔ ne nyiŋ kefɛɛfo ya.> 4Mɔna Degbeŋgyoo kpa maa yako neŋ nyiaa, <Nnɛ yaa Degbeŋgyoo ne yako. Maa yɛlɛɛ kpene keŋ mɔɔ bam nɛ, na maa kulu kpene keŋ mɔɔ duu nɛ, tɛɛle keŋ pou dɔɔ. 5Na kaboena nyi nyaa gyae abɔɔ dinaana fa n wose? Naa gyae ŋa ya. Nawolo nyi maa yela nombiikum ke yala balaŋ pou. Mɔna yenaŋ kamasɛ keŋ nyaŋ ke gyu na, maa yela nyaŋ ke yeu lɛɛ n nyee. Degbeŋgyoo torola yako.> >>