Ntrubo Old Testament Project
Hɛsekiɛle 15
Yerusalɛm yɛɛ ŋgba gerepo woŋ keŋ be taŋ tɔnɔɔ ya nɛ
Degbeŋgyoo yako maŋ nyiaa, <Deniwalaŋ bu, sena te gerepo woŋse yɛɛ kpoo lee laaman daase akaŋ ŋan man? Bɛɛ mo ke woŋ yɛɛ kolo kpaakpaa daale? Bɛɛ mo ke yɛɛ ŋmeleŋ na baa leŋ abɔɔ ke dɔɔ? Te akpaa be fuŋ ke do boalaŋ man te de kpa ke nɔɔse ala ŋan te de koolii ka nsana na, ke dana tɔnɔɔ fa kolo keyɛɛ bela? Nyi akpaa debaŋ keŋ ke yɛɛ dibiliŋ te ka te yɛɛ tɔnɔɔ ya na, sena te ke gyae ke yɛɛ tɔnɔɔ debaŋ keŋ boalaŋ be kpa ke te be koolii ke nɛ?
<Mena dɔɔ nnɛ yaa Degbeŋgyoo Doŋ Pou Nyee ne yako, mena keŋ mɔɔ lese gerepo woŋ lee laaman daase man nyi baa mo do boalaŋ nɛ, mena te maa yɛɛ balaŋ baŋ be kyaa Yerusalɛm nɛ. Maa seŋ tia wɔ. Doo nyi be ta lee boalaŋ keŋ man, mɔna boalaŋ kenaŋ gyae ke kpa wɔ. Te akpaa ma seŋ tia wɔ na, ɛ ka gyeŋ nyi maŋ yɛna Degbeŋgyoo. Maa yela tɛɛle keŋ ke doo yakaa nawolo nyi be te di anokoare ya, Degbeŋgyoo Doŋ Pou Nyee torola yako.>
Ntrubo Old Testament Project. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.