Mazimuriyaa 121

S'oossay Nuuna Naagiyaawaa

Pudetsaa kesiidde yes's'eedda yetsaa

1Taani d'ok'k'u gaade wogga deretuwaa s'eellay;

taw maaduu hak'appe yanddeeshsha?

2Taw maaduu

saluwaanne sa'aa med'd'eedda Med'inaa Godaappe yee.

3I ne gediyaa halis'issenna;

neena naagiyaawe gem"ishenna.

4Israa'eeliyaa naagiyaawe,

ubbakka gisennanne gem"ishenna.

5Med'inaa Goday neena naagiyaawaa.

Med'inaa Goday new ushechcha baggana gidiide,

neena kuwayiyaawaa.

6Gallassi neena away meenna;

k'ammakka aginay neena k'ohenna.

7Med'inaa Goday k'ohiyaawaa ubbaappe neena naagana;

I ne shemppuwaa naagana.

8Med'inaa Goday ne buussaa, ne yuussaa,

hachcheppe med'inaa gakkanaw naagana.