Mazimuriyaa 120

C'imiyaawanttuppenne Worddotuwaappe // Attanaw Shiik'o Woosaa

Pudetsaa kesiidde yes's'eedda yetsaa

1Ta waayiyaa wode taani Med'inaa Godaa s'eesaad;

I taw koyeedda.

2Abeet Med'inaa Godaw, worddotiyaa doonatuwaappenne,

c'immiyaa ins's'arssatuwaappe taana ashsha.

3Hinttenoo worddanchchatoo,

S'oossay hinttena waatanddeeshsha?

Simmi harabaa ayaa gujjanddeeshsha?

4Tooranchchatuwaa pootsaa k'aran I hinttena c'addanawaa;

tamaa bonk'k'uwaan I hinttena s'uuggana.

5Aayye taanoo! Hinttenana de'iyaawe Mesheka

woy K'eedaare asaana de'iyaawaa mala iita.

6Sarotetsaa is's'iyaa asatuwaana

taani daro wodiyaa de'aaddi.

7Taani saro asaa;

shin taani sarotetsaabaa haasayiyaa wode,

unttunttu olaawaa haasayiino!