አሞጻ

አሞጻ ትምቢትያ

ገሉዋ

ሀ ትምቢትያን ኦደቴዳ ኪታይ ጌሻ ማጻፋ ግዶን ሀራቱዋፐ አዱሳ ዎድያፐ ካሰና ጻፈቴዳ ማጻፋይ አሞጻ ትምቢትያ ማጻፋ። አሞጽ ይሁዳን ደእያ እት ካታማፐ ዬዳ አሳ ግዶፐነ፥ ክርስቶሳ የለታፐ ካሰ፥ ሆስፑን ጼቱ ላይዉ ባጋ ሄራን ሀ ኪታ ሁጲሳ ባጋና ደእያ እስራኤልያ ካዉተዉ አዳ። ሄ ዎዲ ዳሮ ዱረተይ፥ አያና ደኡዋንካ አሳይ ድጬዳነ አማንያ ሀኖተይ ቤቴዳ ዎደ። ግዶፐነ አሞጽ ዱረተይ ዱረ አሳ ጻላላዉ እመቴዳዋ በኤዳ፤ ቃይ ሀራ ባጋና ሱረ ፕርዳይ ይያዌነ ህዬሳቱዋ ኡቁንያዌ ጋድያን ዳሬዳዋ በኤዳ። አማኑዋ ኦይቀ ግዶፐካ ቱሙዋፐ ሃኬዳዋ፥ ሎኦ ማላትያ ኢታይ ኩሜዳዋነ አኑ ባይና ሳሮተይ ደእያዋካ በኤዳ። ሄዋ ጋሱዋን ጾሳይ ባረ አሳ ቦላ ሙሩዋ አሀናዋ ሀንቁዋንነ ጻላን ኩሚደ ኦዴዳ። ሄዋናካ፥ “ሱረ ፕርዳይ ሻፋ ሃዳን ጎጎ” ያጊደ ቆፍሴዳ። ሄዋዳን ሀኖፐ፥ “ኡባ ሞድያ ጎዳይ አቴዳ እስራኤልያ አሳዉ ቃረቲደ ማራነንቶነ ኦን ኤሪ!” ያጌዳ (5:15)።

ሸምፓቱዋ ኡባቶ እመቴዳ ቃን ቆፋቱዋ

1. አሳ ዘረ ኡባይ ባረ ዎንጃላን ኦሸትያዋ

2. እስራኤልያነ ሳማርያ ባሻ

3. እስራኤልያ ሙሩዋባ አሞጽ በኤዳ እቼሹ ሳጻቱዋ

4. እስራኤልያ ፖኦ ህዶታ