1 ካታቱዋ
1 Kings
Introduction from this edition
ኮይሮ ካታቱዋ ማጻፋ
ገሉዋ
ካታቱዋ ማጻፋ ኮይሮ ሻኩ፥ ሳመላ ማጻፋቱዋ ላአቱዋን ዶመቴዳ፥ እስራኤልያ ቢታ ካተቱዋ ታርክያፐ አቴዳዋ ካሊደ ኦዴ። ማጻፋ ሄዙ ዋና ዋና ክፍለቱዋን ሻክ ጼላናዉ ዳንዳዬቶ።
1. ሶሎሞነ ባረ አዉዋ ዳዊታ ሳኣን እስራኤላነ ይሁዳ ካትያ ግድያዋነ አ አዉዋ ዳዊታ ሀይቁዋባ ኦዴ።
2. ቃይ ሀ ማጻፋይ ሶሎሞነ ካዉተ ኤቁዋነ እ ኦዳ ኪታ ኦድያ ታርኪያ። እ ኦዳ ኦሶቱዋፐ ኦዳናዉ ዶና ኩምያዌ የሩሳላመን ግምበቴዳ ጌሻ ጎልያ።
3. እስራኤሊ ሁጲሳነ ገድሳ ካዉተ ጌተቲደ ላኡ ከሲደ ሻከቴዳዋነ ሄ ሻከቴዳ ካዉተቱዋ ክርስቶስ የለታናፐ ካሰ፥ ኡዱፑን ጼቱ ላይይ ጋካናዉ ዱማ ዱማ ሞዴዳ ካተቱዋ ታርክያ ኦዴ።
ሀ ላኡ ማጻፋቱዋን አሳ ካለያ ካቲ ሎአነ ኢታነ ጌተቲደ ፕርደትያዌ፥ ጾሳዉ እ አማነትያዋ ኬናና። ሄዋዳንካ ቃይ ሄ ቢታይ ድጭያ ድቻይነ ደምያ እንጂ ሄ ካለያ ካቲ ጾሳዉ አማነቴዳዋ ኬናና። ሀራ ባጋና ቃይ አላጋ ጾሳቶ ጎይኔዳዌነ አዛዘተናን እጼዳዌ ካለያዋንታካ ካልያ አሳካ ባሻዉ አፌዳ። ሁጲሳ ባጋ ካዉተ ካተቱ ኡባይካ ፓጭያን ኩንዴድኖ። ሽን ይሁዳ ካተቱዋ ታርኪ ኢታቱዋካ ሎኦቱዋካ ኦዴ።
ካተቱ ማጻፋን ኮይሮ ክፍልያን ዳሮ ኤረቴዳዋንቱ፥ ጾሳ ዶና ግዲደ ትምቢትያ ቃላ ኦዴዳነ አሳይ ኤቃዉ ጎይነና ማላነ ጾሳዉ አዛዘተናን እጸና ማላ፥ ምንሲደ ኤርሴዳ ትምቢትያ ኦድያ ምኖ አሳቱዋ። ኡንቱንቱፐካ ኤረታ ዳርያዌ ኤላሳ። ኤላስ ባኣላ ቄሳቱ ዋና ናሰቴዳ ታርኪካ ሄ ሳኣን ኦደቴዳ (ሸምፑዋ 18 ጼላ)።
ሸምፓቱዋ ኡባቶ እመቴዳ ቃን ቆፋቱዋ
ሀ. ዳዊታ ዎድያ ዉርሰ
ለ. ሶሎሞነ ካትያ ግዱሳ
ሐ. ሶሎሞና ካዉተ
1. ኮይሮ ላይቱዋ
2. ጌሻ ጎልያ ኦሱዋ
3. ዉርሰ ላይቱዋ
መ. ሻከቴዳ ካዉተ
1. ፑደሃ ያራቱዋ ማካላ
2. ይሁዳነ እስራኤልያ ካተቱዋ
3. ናብያ ኤላሳ
4. እስራኤልያ ካትያ አካባ
5. ይሁዳ ካትያ እዮሳፋጻነ እስራኤልያ ካትያ አካዝያሳ
Dawro Full Bible Ethiopic. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.