गिनती 33

मिस्र सी मोआब लोगुन क यात्रा

1जब सी इसराएली मूसा आरू हारून क अगुवाई मा टुळू बाँदिन मिस्र देश सी निकळे , ती सी ओका ये पोड़ाव होया। 2मूसा न योहोवा सी हुकूम पाविन ओका कूच ओका पड़ावो क ओनसारे लिख देदो; आरू हुये ये छे। 3पेहला मोहना क पोन्दरे दाहड़ा क हुये रामसेस सी अगा चालीया; फसहन दिसरे दाहड़े इसराएली सब मिस्रीयों क देखता सोजगा निकळ गिया, 4जब की मिस्री आपना सब पहिलौठो क मिट्टी आप रोया होता जेनुक योहोवा न मार्यो हुतो; आरू हुयो ओक देवताओं क वी डोंड आपलो हुतो।

5इसराएलियों न रामसेस सी कूच कोरीन सुक्कोत मा डेरो नाखे। 6आरू सुक्कोत सी अगा जाईन एताम मा, ज जंगल क छोर पोर छे, डेरो नाखे। 7आरू एताम सी कूच कोरीन हुये पीहहीरोत क मुड़ गोया, ज बालसपोन क अगळ छे; मिगदोल क अगळ डेरो उबो कोर्या। 8तब हुये पीहहीरोत क अगळ सी कूच कोर दोरिया क विच होईन जंगल मा गोया, आरू एताम नावोन जंगल मा तीन दाहड़ा क वाट चालीन मारा मा डेरु कोर्या। 9ओळतेन मारा सी कूच कोरीन हुये एलीम क गोया, आरू एलीम मा जळ क बारे सोता आरू सत्तर खजूर क झाड़ मिळ्या, आरू हुये होंया डेरो उबो कोर्या। 10तब हुये एलीम सी कूच कोरिन लाल दोरीया क तट पोर डेरो उबो कोर्या। 11आरू लाल दोरीया सी कूच कोरीन सीन नावोन जंगल मा डेरो उबो कोर्यो। 12ओळतेन सीन नावोन जंगल सी कूच कोरिन हुये दोपका मा डेरो कोर्या। 13आरू दोपका सी कूच कोरीन आलूश मा डेरो कोर्या। 14आरू आलूश सी कूच कोरीन रपीदीम मा डेरो कोर्या,आरू होंया हेनू मानसो क पिने क पानी नी मिळ्यो। 15ओळतेन हुये रपीदीम सी कूच कोरीन सीनै क जंगल मा डेरो नाखे। 16आरू सीनै क जंगळ सी कूच कोरीन किब्रोथत्तावा मा डेरो कोर्या। 17आरू किब्रोथत्तावा सी कूच कोरीन हसेरोत मा डेरो नाख्या। 18आरू हसेरोत सी कूच कोरीन रित्मा मा डेरो कोर्या। 19ओळतेन हुये रित्मा सी कूच कोरीन रिम्मोनपेरेस मा डेरो उबो कोर्या। 20आरू रिम्मोनपेरेस सी कूच करीन लिब्ना मा डेरो उबो कोर्यो। 21आरू लिब्ना सि कूच कोरीन रिस्सा मा ड एरो उबो कोर्यो। 22आरू रिस्सा सी कूच कोरीन कहेलाता मा डेरो कोर्या। 23आरू कहेलाता सी कूच कोरीन शेपेर बोयड़ा क पास डेरो कोर्या। 24ओळतेन हुये शेपेर बोयड़ा सी कूच कोरिन हरादा मा डेरो कोर्या। 25आरू हरादा सी कूच कोरिन मखेलोत मा डेरो कोर्या। 26आरू मखेलोत सी कूच करीन तहत मा डेरो कोर्या। 27आरू तहत सी कूच करीन तेरह मा डेरो कोर्या। 28आरू तेरह सी कूच कोरिन मित्का मा डेरो कोर्या। 29ओळतेन मित्का सी कूच कोरिन हुये हशमोना मा डेरो कोर्या। 30आरू हशमोना सी कूच करीन मोसेरोत मा डेरो उबो कोर्या। 31आरू मोसेरोत सी कूच करीन याकानियो क विच डेरो कोर्या। 32आरू याकानियो कविच सी कूच करीन होर्हग्गिदगाद मा डेरो कोर्या। 33आरू होर्हग्गिदगाद सी कूच करीन योतबाता मा डेरो कोर्यो। 34आरू योतबाता सी कूच करिन अब्रोना मा डेरो उबो कोर्या। 35आरू अब्रोना सी कूच करिन एस्योनगेबेर मा डेरो उबो कोर्या। 36आरू एस्योनगेबेर सी कूच करिन हुये सीनाय नावोन जंगल क कादेश मा डेरो कोर्या। 37ओळतेन कादेश सि कूच करिन होर बोयड़ा क पास , कज एदोम देश क सीमा पोर‌, डेरो नाख्या। 38होंया इसराएलियों क मिस्र देश सी निकळने क चाळिस साल क पाँचवा मोहना क पेहले दाहड़े क हारून याजक योहोवा क हुकूम पाविन होर बोयड़ा पोर चोहड़्यो, आरू होंया मोर गोयो। 39आरू जब हारून होर बोयड़ा पोर मोर गोयो ती हुयो एक सौ तेईस साल क हुतो। 40आरू अरात क कनानी राजा, ज कनान देश क दोखेवरो वाटा मा रोहतो हुतो, इसराएलियों क आने क खबर जोड़्यो। 41ती इसराएलियों न होर बोयड़ा सी कूच करीन सलमोना मा डेरो नाख्या। 42आरू सलमोना सी कूच करीन पूनोन मा डेरो नाख्या। 43आरू पूनोन सी कूच करिन ओबोत मा डेरो कोर्या । 44आरू ओबोत सी कूच करीन अबारीम नावोन डीहों मा ज मोआब क सीमा पोर‌ छे, डेरा नाख्या। 45तब हेनू डीहों सी कूच करीन हुये दीबोनगाद मा डेरो कोर्या। 46आरू दीबोनगाद सि कूच करीन अल्मोनदिबलातैम मा डेर ओ कोर्या। 47आरू अल्मोनदिबलातैम सी कूच करीन हुये अबारीम नावोन बोयड़ा मा नबो क ओगळ डेरो कोर्या। 48ओळतेन अबारीम बोयड़ा सी कूच करीन मोआब क अराबा मा, यरीहो क पास यरदन नदी क तट पोर डेरो कोर्या। 49आरू हुये मोआब क अराबा मा बेत्यशीमोत सी लीन आबेलशित्तीम लोगुन यरदन क किनारे-किनारे डेरो नाख्या।

कनान पोर आक्रमण क हुकुम

50ओळतेन मोआब क अराबा मा, यरीहो क पास क यरदन नदी क तट पोर , योहोवा न मूसा सी कोयो, 51“इसराएलियों क सोमझाड़िन कोह ; जब तुमु यरदन पार होईन कनान देश मा पूगु, 52तब देश क निवासियों क ओकाज देश सी निकाळ देजो; आरू ओक सब नक्काशीदार दोगडा क आरू ढली होय मुर्ती क नाश कोरजू, आरू ओक सब पुजा क मोटा जागान क ढवळी देजू। 53आरू उना देश क होक मा लीन हेका मा भरायजी, काहकी हांव त्यो देश तुमकोत् आपलो छे की तुमू हेका हकदारिया हयो। 54आरू तूमू देना देश क चिट्ठी नाखिन आपना कुळ क ओनसारे वाट लेजो; यानी जिना कुळ मे जादा छे ओक जादा, आरू ज थुड़ाकवाळा छे ओक थुड़ोक वाटू आपजु; जेना कुळ क चिट्ठी जेना जागा क लिय निकळे हुये ओक वाटो कोहायसे; आपना पितरों क कुळ क ओनसारे आपनो आपनो वाटो होयसे। 55बाखुन काहमाइन तुमु हेना देश क निवासियों क आपने अगळ सी निकाळसू , ती हेरेमा सी जेनुक तुमू हेनुमा सी रोहनै देसू चे मानूउ तुमरा डुळा मा काटा आरू तुमरा पांजरा मा किळा कोहायसे, आरू हुये हेना देश मा जाँ तुमू बोससू तुमक पिड़ा मा नाखसे। 56आरू हुये जोसो वेवहार कोरने क मोनसा हाव न कोर्यो छे तोसोत तुमरे सी कोरीस।”