Dhankavi Bible
गिनती 26
इसराएलियोन दिसरी गिनती
ओळी योहोवा मूसा आरू एलीआजर हारुन पुजारान क पोर्या सी कयो, इसराएलियो क सब मण्डळी मा जोतरा विस साल क एने ओका सी जादा उमरन क होयने सी इसराएलियो क विच युद्ध करने क योग्य छे, गिनती ओका डाहडा न घोरानान ओनसारे करू। एने: मूसा आरू पुजारो एलीआजर मोआब क खोयड़ा मा,यरदन नदि क तट पोर यरीहो नगर क अगळ इस्राएलियों सी कव्यो, विस साल एने एरेसी जादा उमोर क लोगहन नू गिनती कोरू। जसी हुकूम योहोवा न मूसा क आप्यो हुतो।
यो मिस्र देश सी बाहर निकळ्या हुया इसराएली हुता:
इस्राएल क मोटलो पुर्य रूबेन; रुबेन क पुर्य: हनोक, जेरेसी हनोकिय कुळ निकळ्यो; पल्लु जेरेसी पल्लुआयी कुळ निकळ्यो; हेस्रोन, जेरेसी हेस्रोनियो कुळ निकळ्यो, कर्मी जेरेसी कर्मियो कुळ निकऴ्यो। ये रुबेनियों क कुळ हुतो, जेरेम लोगहन क संख्या तैंतालीस हजार सात सौ तीस हुता। ये पल्लु क पुर्या हुता: एलीआब हुतो। ये एलीआब क पुर्या हुता : नमूएल , दातान आरू अबीराम। ये इसराएली समाज लारे नेवाड़ला मानुसे हुतो, ज मूसा आरू हारून सी लोड़ाय कर्यो हुतो। हुयो कोरह क टुळा क हुता ज योहोवा सी वाद-विवाद कर्या हुता। जब आगठा न दुय सौ पचास लोगहन क भस्म कर्यो तब कळ मुय खुलीन कोरह आरू ओका टुळान-ताकोत क निगळ लिदो आरू हुयो मोर गुयो। हुयो चेतावनी-सोहलानी बोन गुयो! ओळी वी कोरह क पुर्य नी मोर्यो हुतो।
यो आपना-आपना कुळ क ओनसारे शिमोन क पुर्य हुता : नमूएल, जेरेसी नमूएलियो कुळ निकळ्यो; यामीन, जेरेसी यामीनियो कुळ निकळ्यो; याकीन जेरेसी याकीनियो कुळ निकळ्यो; जारह, जेरेसी जारहिय कुळ निकळ्यो; शाऊल जेरेसी शाऊलियो कुळ निकळ्यो। ये शिमोनीयों क कुळ हुतो, जेरेम लोगहन क आकड़ा बाईस हजार दुय सौ हुता।
यो आपना-आपना कुळ क ओनसारे गाद क पुर्या हुता : सपोन जेरेसी सपोनियो कुळ निकळ्यो; हाग्गी,जेरेसी हाग्गियों कुळ निकळ्यो; शूनी जेरेसी शूनियो कुळ निकळ्यो, आरू ओजनी जिना सी ओजनियान कुळ चालीयो; ओजनी, जेरेसी अरोदियो कुळ निकळ्यो; आरू अरोद,जेरेसि एरीय कुळ निकळ्यो; अरेली, जेरेसी अरेलीय कुळ निकळ्यो; अरएली, जेरेसी अरएलीय कुळ निकळ्यो। ये गाद क पुर्या क कुळ हुत, जेरेम लोगहन क आकड़ा चाळीस हजार पांच सौ हुता।
यहूदा न पुर्या एर आरू ओनान हुता। पुन त्या कनान देश मा मर गिया। यहूदा क पुर्या क वी कुळ निकळ्या : शेला, जेरेसी शेलीय कुळ निकळ्यो; पेरेस, जेरेसी पेरेसियो कुळ निकळ्यो; जेरह, जेरेसी जेरहीय कुळ निकळ्यो। ये पेरेस क पुर्या हुत : हेस्रोन, जेरेसी हेस्रोनियो कुळ निकळ्यो; हामूल, जेरेम हामूलीय कुळ निकळ्यो। ये यहूदा क कुळ हुता, जेरेम लोगहन नू आकड़ा छिहत्तर हजार पांच सौ हुता।
ये आपना आपना कुळ नू ओनसारे इस्साकार क पुर्या हुता : तोला, जेरेसी तोलियो कुळ निकळ्यो; पुव्वा, जेरेसी पुव्वियो कुळ निकळ्यो; याशूब,जेरेसी याशूबियो कुळ निकळ्यो; शिम्रोन, जेरेसी शिम्रोनियो कुळ निकळ्यो। ये इस्साकार क कुळ हुता, जेरेम लोगहन नू संख्या चौंसठ हजार तीन सौ हुता।
ये आपना-आपना कुळ नू ओनसारे जबूलून क पुर्या हुता: सेरेद, जेरेसी सेरेदियो कुळ निकळ्यो; एलोन, जेरेसी एलोनियो कुळ निकळ्यो यहलेल, जेरेसी यहलेलियो कुळ निकळ्यो। ये जबूलूनियों क कुळ हुता, ओकाम लोगहन नू संख्या साठ हजार पांच सौ हुता।
ये आपना-आपना कुळ नू ओनसारे यूसुफ क पुर्या हुता : मनश्शे आरू एप्रैम। ये मनश्शे क पुर्य हुतो : माकीर, जेरेसी माकीरियों कुळ निकळ्यो। माकीर न गिलाद क पयदा कर्यो। गिलआद सी गिलादियोन कुळ निकळ्यो। यो गिलाद क पुर्यो हुतो : ईएजेर, जेरेसी ईएजेरियो कुळ निकळ्यो; हेलक, जेरेसी, हेलकीय कुळ निकळ्यो; असरीएल, जेरेसी असरीएलीय कुळ निकळ्यो; शेकेम, जेरेसी शेकमीय कुळ निकळ्यो; शमीदा, जिना सी शमीदीय कुळ निकळ्यो; हेपेर,जेरेसी हेपेरीयो कुळ निकळ्यो। हेपेर क पुर्य सलोफाद क पुर्य नी पुन पुरायटा हुया।ये ओका पुरायटा क नाव छे: महला। नोआ, होग्ला, मिल्का आरू तीर्सा। ये मनश्शे क कुळ हुता, ओकामा लोगहन नू संख्या बावन हजार सात सौ हुता।
ये आपना - आपना कुळ क ओनसारे एप्रैम क पुर्या हुता: शूतेलह, जेरेसी शूतेलही कुळ निकळ्यो; बेकेर, जेरेसी बेकेरियो कुळ निकळ्यो; तहन, जेरेसी तहनियो कुळ निकळ्यो; ये शूतेलह क पुर्या हुता: एरन, जरेसी एरनीय कुळ निकळ्यो। ये एप्रैमन क पुर्या क कुळ हुतो, ओकामा लोगहन नू संख्या बत्तीस हजार पांच सौ हुता। या आपना-आपना कुळ नू ओनसारे यूसुफ क पुर्या हुता।
ये आपना-आपना कुळ नू ओनसारे बिन्यामीन क पुर्यो हुतो: बेला, जेरेसी बेलियो कुळ निकळ्यो; अशबेल, जेरेसी अशबेलियो कुळ निकळ्यो; अहीरम,जेरेसी अहीरामियोन कुळ निकळ्यो; शपूपाम, जेरेसी शपूपामियो कुळ निकळ्यो; हूपाम, जेरेसी हूपमीय कुळ निकळ्यो। बेला क पुर्य अर्द आरू नामन हुतो। अर्द सी अर्दीय कुळ निकळ्यो, आरू नामान सी नामानियो कुळ निकळ्यो। ये आपना-आपना कुळ नू ओनसारे बिन्यामीन क पुर्या हुता, जरेम लोगहन नू संख्या पैंतालीस हजार छ: सौ हुता।
ये आपना-आपना कुळ नू ओनसारे दान क पुर्या हुता: शूहाम, जेरेसी शूहामियो कुळ निकळ्यो। येज आपना-आपना कुळ नू ओनसारे दान क कुळ हुतो। शूहामियो कुळ मा लोगहन नू संख्या चौंसठ हजार चार सौ हुता।
ये आपना-आपना कुळ नू ओनसारे आशेर क पुर्या हुता: यिम्ना, जेरेसी यिश्रियो कुळ निकळ्यो। यिश्वी, जेरेसी यिश्वीय कुळ निकळ्यो; बरीआ, जेरेसी बरीइयो कुळ निकळ्यो। ये बरीआ क पुर्या हुता: हेबेर, जेरेसी हेबेरीय कुळ निकळ्यो; मल्कीएल, जेरेसी मल्किएलियोंन कुळ निकळ्यो। आशेर नू पोरयटा न नाव सेरह हुतो। ये आशेर क पुर्या क कुळ हुतो,ओकामा लोगहन नु संख्या तिर्पन हजार चार सौ हुता।
ये आपना-आपना कुळ नू ओनसारे नप्ताली क पुर्या हुता : यहसेल, जेरेसी यहसेलियान कुळ निकळ्यो; गूनी, जेरेसी गूनियो कुळ निकळ्यो; येसेर,जेरेसी येसेरियो कुळ निकळ्यो; शिल्लेम, जेरेसी शिल्लेमीय कुळ निकळ्यो। येज आपना-आपना कुळ नू ओनसारे नप्ताली क कुळ हुतो, ओकामा लोगहन नू संख्या पैंतालीस हजार चार सौ हता।
ये इसराएली लोगहन नू कुळ संख्या हुती: छव: लाख एक हजार सात सौ तीस।
चिट्ठि नाखीन जागान वाटो करनो
योहोवा मूसा सी कव्यो, एनू लोगहन मा, ओका नावोन गिनतिन ओनसारे जागान वाटो बासोन-सम्पत्ति क लिय कोर्यो जासे। तू मोटा कुळ क मोटा बासोन जागान-वाटो आपजु। होरीक कुळ क, ओका लोगहन आकड़ान ओनसारे बासोक जागान-वाटो आप्यो जासे। पुन जागान वाटो चिट्ठी नाखीन कोर्यो जासे। हुये आपना-आपना बासोन-कुळ नू नावोन ओनसारे जागा पोर होक कोरसे। ओक जागान-वाटो मोटा आरू नाना कुळ क विच मा चिट्ठी नाखीन वाट्यो जासे।
ये आपना-आपना कुळ नू ओनसारे , जेरी गिनती कर गई, लेवी क ओवलियाद छे : गेर्शोन, जेरेसी गेर्शोनीय कुळ निकळ्यो ; कहात, जेरेसी कहातियो कुळ निकळ्यो; मरारी , जेरेसी मरारियो कुळ निकळ्यो। ये लेवी क कुळ छे: लिब्नियों, हेब्रोनियों कुळ,महलियों कुळ, मूशियों कुळ आरू कोरहियो कुळ। कहात न अम्राम क पयदा कर्यो हुतो। अमराम नू लाड़ी नू नाव योकेबेद हुतो, ज लेवीन पोरय हुती। हुयी मिस्र देश मा लेवीन पयदा होयली हुती। हुयी अम्राम सी हारून आरू मूसा क एने ओकी बोहनीस मिर्याम क जन्म आपली हुती। हारून सी नादाब, अबीहू, एलीआजर आरू ईतामार नावन पुर्य पयदा हुयो हुतो। पुन जब नादाब आरू अबीहू न यहोवान अगळ विटुळ आगठो चोड़ाया,तब हुये मोर गुया हुता। लेवीय लोगहन नू संख्या ज एक मोहना एने एरेसी जादा उमोर क हतला, तेईस हजार हुता ओकि गणना दिसरा इसराएली लोगहन क साथ नी कोर्या हुता, काहकी इसराएली समाज क वीच मा ओका बासोन जागान-वाटो नी आप्या हुता ।
मूसा आरू पुजारो एलीआजर न मोआब क खोयड़ा मा, यरदन क कतट पोर यरीहो नगर क सामने इस्राएली लोगहन नू गिनती कोर्या हुता। ओका लारे गिनला लोगहन नू संख्या यी हतली। पुन इस्राएली एनी गिनती मा एक वी मानुस असो नी गीन्यो गुयो, जेरी ओकी गिनती मा गिन्यो गुयो हुतो, ज मूसा आरू पुजारा हारून न सीनाय क निर्जन पोरदेश मा कोर्यो हुतो; काहकी योहोवा न ओका बाराम कव्यो हुतो, हुये निर्जन पोरदेश मा मोर जासे। ओकामा योपुन्ने क पुर्य कालेब एने नुन क पुर्य यहोशु क छुड़िन एक वी मानुस नी वाच्यो हुतो।
Dhankavi Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.