गिनती 24

1बिलाम यो देखीन कि योहोवान इसराएलियान क बोरकोत आपने चाहीय रियो, तब हुयो पेहले जसो अगवायती वात देखने नी गयो, पुन त्यो जंगल भेणी मूंय कर लीदो। 2आरू बिलाम डुळा उचा कर्यो ती त्यो इसराएलियों क आपना-आपना कुळ नू ओनसारे बस्या देख्यो। परमेश्वर क आत्मा हेका पर उतरियो, 3आरू हुयो आपनो गीत गावनो शुरु कोर्यो। हुयो यो गायो, बोर न पोर्या, बिलाम न यो बुल छे, यो बुल उना मानुस क छे, ज द्रष्टा छे। 4यो परमेश्वर क बुल सोमळने वाळा लोगहन क बुल छे, ज सर्वशक्तिमान क दर्शन क देखनेवाळो दर्शी छे; ज पोड़े छे, हेकोत् यो बुल छे; 5ऐ याकुब! तारा तम्‍बू कतरो वारू छे! ऐ इसराएल, तार रयनेन जागो कोतरो घाटाळो छे। 6हुये नांबे-नांबे फैल्यो होय घाटी क जसो, एने नदी न काठे परुन वाड़ी क जसो, आरू पोरबुन लारे रुप्या गुया अगर-झाड़ क जसो, आरू जळाशय क धड़े क देवदार क जसो छे। 7याकुब क बालटियो सी जळ उळसे, आरू ओक बीज जळाशय मा अंकुरित होयसे। ओक राजा, अगाग सी जादा महान होयसे, ओका राज उन्नत होयसे। 8परमेश्‍वर ओक मिस्र देश सी बाहर निकाळीन लीन आय रयो; हुये ओका लिय जंगली सांड्या क ताकोत क जसो छे। हुये ओका बैरी राज क खाय जासे, आरू ओका हाड़का क चूय-चूर कोरसे, आरू हेको भाला घुपसे। 9त्यो घात मा साताईन बस रियो, हुयो नाहार क जसो, आरू नाहरनी क जसो लुट गयो। कुन ओक उठाय सकतो छे? ऐ याकुब, तुक बोरकोत आपने वाळो आपसो बोरकोत प्राप्त कोरे। पुन तुक‍ शराप आपनेवाळो आपसो शरापित हुयसे।

10तब राजा बालाक क रीस बिलाम क प्रति भड़क उठ्यो। हुयो आपना हाथ पोर हाथ दिन बिलाम सी कव्यो, हाव आपना दुसमोन क श्राप आपने क लिय तुक बुलायो हुतो। पुन देखू, तुमू ओक तीन वार बोरकोत आप्यो। 11हेमी, तुमू आपना जागा क ढास जावू। हाव कव्यो हुतो, हाव छाचिन तुक सम्मानित कोरिस। पुन पोरबु न तुक सम्मानित होयने सी वंचित कोर देदो। 12बिलाम न राजा बालाक सी कव्यो, जेनू दुतो क तुन म्हारे पास मुकल्यो हुतो, काय हाव उनासी यो नी कव्यो हुतो, 13चाहे बालाक सोनो-चांदी सी भोरलो म्हारो घर प्रदान कोरे ती वी हाव पोरबून हुकूम क तुड़नो नी करीस आरू आपनी मोरजी क ओनसारे भलो आरू भुंडो नी कोरीस। ज काहीन पोरबु कोहसे, चोंत हाव कोहीस।

बिलामन आखरी अगवायती वात

14हेमी, देख, हाव भाई-बन्धुओ क पास जाय रयो। आव, हाव तुक बताड़ दोम की ये इस्राली मानसे तारी प्रजा क साथ आवनेवाळा दाहड़ा मा काय कोरसे। 15अळते त्यो आपसी गुप्त वात कयनो शुरु करियो। बोर न पोर्या, बिलाम नू ये बुल छे, ये बुले उना लोगहन क छे जे द्रष्टा छे; 16यो परमेश्वर क बुल सोमळनेवाळा मानुस क बुल छे, ज परमप्रधान क ओकोल क जाननेवाळो गियानी छे, ज सर्वशक्तिमान क दर्शन क देखनेवाळो क हात करे, हेको योत् बुल छे: 17हाव हेको देखो, पुन हेमी नी; हाव हेके पर निगा ते करीस, पुन धड़े सी नी, याकुब मा सी एक तारो उगसे, इसराएल मा सी एक राज डोन उठसे। जो मोआब देश क काकड़ कुचळसे, आरू सब दंगा करने वाळान क ढाळ देसे, 18तव एदोम आरू सेईर बी जो हेका वेरी छे, दुयन क हेका हक मा पड़से, आरू इसराएल आपसी ताकोत क देखाड़से। 19आरू याकुब मा रयीन एक राज करने वाळो आवसे; आरू नगर मा रयीन वाचलान क खतमकर देसे। 20तब बिलाम न अमालेकी राज क देख्यो। हुयो आपना गीत गावनो शुरू कर्यो। हुयो यो गायो, राज मा अमालेक पेहेल हुतो, पुन आखरी मा हुयो नाश हुय जासे!

21तब हुये केनी राज क देख्यो।हुयो आपनो गीत गावनो शुरु कर्यो। हुये ये गाया, ऐ काइन! तारो रोहन्यो-जागो छे, तारो घोंसलो चट्टान पोर स्थित छे! 22तेबी केनी राज उजड़ जासे; तू कब लगुन अश्शूर क बंदी रोहसे? 23तब हुये आपनो एक आरू गीत गावन्यो शुरु कर्यो। हुयो यो गायो, जब परमेश्वर यो काम कोरसे तब कुन जिवतलो रोहसे? 24कित्तियोंन‍ द्वीम सी जळयान आवसे ज अश्शूर एने एबेर क पीड़ित कोरसे: अन्तत: हुये वी नाश होय जासे।

25तब बिलाम चाल दिदो। हुये आपना जागा क पछ जात रीयो। राजा बालाक वी आपने वाट्ये चाली गुयो।