Ga-la-ti 2

1Atêq tuôôt kưl poot xanưm, gô laay hooy tok truh Jê-ru-sa-lem dii Ba-na-ba, tuôôy kung jarooy Tit kung hooy. 2Tuôôy nưq, tyauq varơuq kahnoq vlôh, gô heq hooy tok ji đnooy padoh kangưưr oot Hêêl Kaxay đơu gô đnooy vlôh đom katul kaluh tamooy daak kadrơy, bơh tyauq kach đêh raa dii khơl adro e apok xarooy vado, leh kheoq kach leq nưq đơu gô đong charơơk long heq charơơk đom đaji hloh. 3Ju đanưq, hloay kaah Tit, dro kung hooy dii gô, laa manih Hi Lap, kung leh biq băt pheq chiuq goch kađuh. 4Đơu varơuq nưq laa xing khơl oh ay pa ôôh aluq muut , laa khơl adro heq aluq muut xôq tavooy 'yo varơuq rayơh rayơơy ku 'wot, laa rayơh rayơơy đơu 'wot e đom Lôôk Wơơt Dêh Jê-xu, xôq ka oot hnoq ik rôp 'wot dơơp xapok, 5lunưq 'wot kung heq leh dơơp varơuq chiuq nhương adroyq oot đom muuyq kawah takiêh leq, xôq varơuq dik ku Hêêl Kaxay hnoq ik măn miet dii oh ay. 6Măn truh phon khơl adro e veeh laa e apok xarooy vado leq nưq (long adroyq hơq oot e laa băk leq, yôôych be dơơp vlôh varơuq đêh kajoq đôôyq dii gô; Kơy Plêêk leh 'yo nhonq aduq pi gôk ku koot manih) — dik, khơl dro dang đaji kôt galơh nưq be athêêp muut varơuq kajoq ka gô dêq. 7Bơh wih hlê, tuôôy nhonq xet đaneq gô heq jah pahnăp varơuq đnooy vlôh Hêêl Kaxay deng ka manih koq chiuq goch kađuh, dang đaji Phi-e-rơ laa deng ka manih chiuq goch kađuh 8(vii Kơy ahluk ahlul đom Phi-e-rơ xôq dưk dơơp chưk khơl jah rơơlh wih truh manih chiuq goch kađuh, kung ahluk ahlul đom gô wih truh manih tamooy kadrơy), 9ji atêq tuôôy hlolh ik vanong plêêk heq jah kahniq ka gô, yôôych Ja-kơ, Sê-pha, ji Jăng, khơl manih dang đaji laa khơl dưk ưk, heq rôôp ti akoh anguk muuyq xuum dii Ba-na-ba ji gô, xôq 'wot yôôych wih truh kaluh tamooy daak kadrơy, măn oot wih truh khơl dro chiuq goch kađuh, 10pato dăt đaneq 'wot duh văch truh manih adrah, jơq laa varơuq đơu gô kung heq dêq xuum dưk dơơp.

11Bơh tuôôy Sê-pha hooy truh An-ti-ôt yôôych gô heq tachơơl hlê hloay kangưưr mot kơy vii kơy 'miêh đangq biq đnooy toah. 12Vii adroyq tuôôy khơl manih xing Ja-kơ truh, kơy hmưq xa achung dii khơl dro tamooy kadrơy. Bơh tuôôy oot truh, kơy heq chuh klơlh ji klah kơy vlôh đêh, vii yôq taleq dro thuôk bing chiuq goch kađuh. 13Ji khơl manih Jo Thaiq măn hlê kung nhôp bing kach pa ôôh tyauq kơy, pheq đnooy hloay kaah Ba-na-ba kung biq adô aluut tyauq katik xuum pa ôôh ku oot. 14Bơh tuôôy gô hloq đaneq oot đong leh riirh hyioh jăk tyauq varơuq dik ku Hêêl Kaxay, gô heq đnooy dii Sê-pha kangưưr tôôy dro: “Atoh ay, laa manih Jo Thaiq, riirh đaji manih tamooy kadrơy đơu leh dang đaji manih Jo Thaiq, yôôych dơơp aleq ay hnoq ik băt manih tamooy kadrơy pheq riirh dang manih Jo Thaiq?” 15'Wot laa manih Jo Thaiq xing tuôôy pa iir vlôh, bơh be aalq manih kadrôôp vlôh xing manih daak kadrơy; 16bơh vii xet đaneq be muuyq dro leq jah xưng hyioh jăk gamưh varơuq dơơp tyauq ganuun, đêh vlôh laa gamưh xuum tuôq aduq Lôôk Wơơt Dêh Jê-xu, lunưq 'wot heq xôq xuum tuôq aduq Lôôk Wơơt Dêh Jê-xu, xôq 'wot jah xưng hyioh jăk gamưh xuum tuôq aduq Lôôk Wơơt Dêh đơu leh aalq gamưh varơuq dơơp tyauq ganuun. Vii tôôy xăk xamơk hnoq leh jah xưng hyioh jăk xing varơuq dơơp tyauq ganuun. 17Bơh atoh, đong tuôôy axek trôôk jah xưng hyioh jăk đom Lôôk Wơơt Dêh, kadih 'wot kung biq 'yo hloq laa manih e kadrôôp, yôôych jơq be Lôôk Wơơt Dêh laa manih hơu varơuq ka kadrôôp maroh? Varơuq nưq laa leh e yôôch! 18Vii atoh gô dơơp hlê kaluh varơuq đơu gô heq pahyaak ka'lăk, yôôych gô ăm hloq gô laa adro lôp ganuun. 19Vii gamưh hlê ganuun, gô heq kaxêêt đôôyq dii ganuun, xôq gô hnoq ik riirh ka Kơy Plêêk. Gô heq biq đongq đing muut gay charăk dii Lôôk Wơơt Dêh, 20long gô leh măn riirh đnoyq, bơh Lôôk Wơơt Dêh riirh đom gô. Măn đơơy riirh đơu gô măn đong riirh đom xăk xamơk, yôôych gô riirh đom xuum tuôq aduq Koot Kơy Plêêk, Kơy heq xiaq gô ji pahnăp kadih xăk Kadraq thay ka gô. 21Gô leh chôôyq ka'lăk vanong kaxay ku Kơy Plêêk 'leq, vii atoh varơuq hyioh jăk laa bơyh ganuun, anưq yôôych Lôôk Wơơt Dêh heq kaxêêt kach đaji hloh!