Cua Bible Literal Text
1 Jăng 1
Varơuq 'miêh e xing kapa tep, laa varơuq 'wot heq tameng, laa varơuq 'wot heq hloq bơơn mot 'wot, laa varơuq 'wot heq 'yo atrêêk, ji ti 'wot heq vêq muut, tajinq truh Apok ku varơuq riirh — dik, varơuq riirh heq jah kahnoq vlôh ji 'wot heq 'yo hloq, 'wot đong dơơp xanưk ji padoh pahêêr ka oh ay varơuq riirh đơơy đơơy, laa varơuq 'miêh măn dii Vaq ji heq jah kahnoq vlôh ka 'wot — varơuq 'wot heq hloq ji heq tameng, yôôych 'wot đnooy vlôh ka oh ay, xôq oh ay kung e varơuq athêêk tajauq dii 'wot. Dik, varơuq athêêk tajauq ku haay laa dii Vaq ji dii Koot Kadraq, laa Lôôk Wơơt Dêh Jê-xu. 'Wot valơk kaluh apok neq xôq varơuq hlah hlaak ku haay jah xaleep. 1
Neq laa apok kơy plêêk đơu 'wot heq tameng xing Kadraq ji đong padoh pahêêr ka oh ay, đaneq: Kơy Plêêk laa varơuq tađnah ji đom Kadraq leh e paq kê varơuq kamơng jaluk leq. Atoh haay đnooy đaneq haay e varơuq athêêk tajauq dii Kadraq, đơu kung tawaak hooy đom varơuq kamơng jaluk, yôôych haay đong đnooy pa ôôh ji leh dơơp tyauq varơuq dik. Bơh atoh haay tawaak hooy đom varơuq tađnah đaji kadih Kadraq măn đom varơuq tađnah, yôôych haay e varơuq athêêk tajauq dii mamuuyq, ji vahaap Lôôk Jê-xu, Koot Kadraq, paxa rêh haay klơlh tôôy kadrôôp maroh. Atoh haay đnooy đaneq haay be e kadrôôp, yôôych haay đong kadih aluut pa ôôh haay ji varơuq dik leh măn đom haay. Atoh haay xưng vlôh kadrôôp maroh haay, yôôych Kadraq laa jư apok ji hyioh jăk, xôq ka'lăk kadrôôp ka haay ji paxa rêh haay klơlh tôôy varơuq leh hyioh jăk. Atoh haay đnooy đaneq haay koq hmưq lôp kadrôôp, yôôych haay 'yo Kadraq laa dro đnooy pa ôôh, ji Apok Kadraq leh măn đom haay.
Source notes (1)
- Footnote Muuyq xôq rahlăp hnu iaq đok: ji 'wot valơk kaluh apok neq ka oh ay xôq xuum hlah hlaak ku oh ay jah xaleep.
Cua Bible Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.