1 Kô-rinh-tô 3

1Wơơy oh ay, gô laay be ik đnooy dii oh ay đaji dii khơl adro danưng kooy, bơh laa đaji dii khơl adro xăk xamơk, đaji dii khơl oh de đơơu pa iir đom Lôôk Wơơt Dêh. 2Gô heq ăm oh ay hôôch sưah nưq be aalq tuôông xa găk, vii oh ay koq lưp e paraat. Anưq đơu, pheq đnooy juneq, oh ay kung koq lưp e paraat. 3Vii oh ay măn ja katik xăk xamơk. Vii măn katul oh ay, laa aduq e varơuq tagliêh ji tayaat tagoa, yôôych be aalq oh ay laa katik xăk xamơk, ji xa măn đaji manih đơơy ih? 4Bơyh, tuôôy adro neq đnooy: “Gô thuôk xuq Phao-lô,” Măn adro kadrơy: “Gô thuôk xuq A-bô-lô,” yôôych be aalq oh ay laa manih đơơy ih? 5Anưq yôôych, A-bô-lô laa kơyq? Măn Phao-lô laa kơyq? Laa khơl xapok, đơu oh ay e xuum tuôq gamưh oot, pheq đnooy xatyauq muut aduq Lôôk heq xôq ka tôôy adro. 6Gô heq pêêt, A-bô-lô heq kliik, bơh Kơy Plêêk dơơp ka kôt tok. 7Lunưq, leh aalq adro pêêt, kung be aalq adro kliik laa kajoq nưq, bơh Kơy dơơp ka kôt tok laa Kơy Plêêk. 8Măn manih pêêt ji manih kliik laa muuyq, bơh tôôy adro hnoq nhonq jah jêêt hngơy ni xatyauq varơuq dơơp galeh ku ni. 9Vii 'wot laa khơl 'wơyq kung varơuq dơơp thuôk xuq Kơy Plêêk. Oh ay laa manay na ku Kơy Plêêk, hnhư ku Kơy Plêêk.

10Xatyauq vanong plêêk ku Kơy Plêêk heq kahniq ka gô, gô heq dơơp kahnier dang đaji manih thơq hlolh xet dơơp, yôôch adro kadrơy xơy tok tol nưq, bơh tôôy adro pheq rơơt rol truh kach ni xơy tol nưq, 11vii leh e kơyq hnoq ik dơơp muuyq kahnier kadrơy đêh vlôh kahnier jah dơơp, đơu nưq laa Lôôk Wơơt Dêh Jê-xu. 12Nưq yôôch, atoh adro leq xơy tol kahnier nưq dii vajang, baak, phơu quiq, gay, rek kateh, hre, 13yôôych varơuq dơơp ku tôôy adro hnoq jêêk vlôh ro raang, vii hngơy nưq hnoq kahnoq vlôh; vii ni jah kahnoq vlôh đom ôôlh, ji kadih ôôlh hnoq vuh jaq varơuq dơơp ku tôôy adro e kathưq kajoq. 14Atoh varơuq dơơp ku kơyq kưq măn ja hlê, 'ngưq laa varơuq dơơp đơu adro nưq heq xơy, yôôych adro nưq hnoq nhonq jah kadrool; 15atoh varơuq dơơp ku kơyq biq vuh ka'lăk, yôôych adro nưq hnoq chiuq hlơơp kadrool, măn kadih ni hnoq jah wơơt, bơh tyauq kach dang đaji dalơh ka ôôlh.

16Oh ay leh xet đaneq oh ay laa hnhư hơu ku Kơy Plêêk ji Kơy Phool Hiel Kơy Plêêk riirh đom oh ay ih? 17Atoh adro leq pahyaak ka'lăk hnhư hơu ku Kơy Plêêk, yôôych Kơy Plêêk hnoq pahyaak ka'lăk adro nưq. Vii hnhư hơu ku Kơy Plêêk laa vah, đơu hnhư hơu nưq laa oh ay.

18Te kơyq pa ôôh lar kadih xăk. Atoh adro leq đom oh ay e veeh đaji laa khôôt xet đom đơơy neq, yôôych adro nưq dayh xôq ka xăk jêêk vlôh “adro vlô”, xôq ka hnoq ik jah jêêk vlôh khôôt xet. 19Vii varơuq khôôt xet ku dêh araak neq laa varơuq vlô apoop kangưưr Kơy Plêêk. Vii e apok valơk, đaneq:

“Kadraq rôp jư khơl adro khôôt đom varơuq khôôt kheoq ku oot.”

20Ji laay e valơk:

“Lôôk xet kaluh iq biit ku khơl adro khôôt xet, đaneq oot laa leh e ich.”

21Lunưq, te kơyq pa ưưt akhwoak aduq koot manih. Vii dêq hloay laa ku oh ay, 22ju laa Phao-lô, long A-bô-lô, long Sê-pha, long laa dêh araak, long varơuq riirh, long varơuq kaxêêt, long varơuq đong e, long varơuq jeq truh. Dêq hloay raay thuôk xuq oh ay, 23măn oh ay thuôk xuq Lôôk Wơơt Dêh, ji Lôôk Wơơt Dêh thuôk xuq Kơy Plêêk.