Ishipa 150

1Cikpai Vuzavaguɗu!

Cikpai Ka̱shile a̱ ubuta̱ u ciɗa u ni,

cikpai utsura u ni ɗe gaɗi, a̱ ubuta̱ wi ida̱shi i ni.

2Cikpai ni adama

a ili i gbagbaꞋin i na u yaꞋin,

cikpai ni adama a tsugbayin tsa̱ a̱bunda̱i ci ni.

3Cikpai ni n ciliki ci ishari,

cikpai ni n ugogi n umolu.

4Cikpai ni n agundari n kujeꞋe,

cikpai ni n aꞋin a umolu n igbala.

5Cikpai ni n ka̱la̱ka̱tsu ka̱ ma̱ka̱nla̱,

cikpai ni nu nka̱nla̱ m mashi ka̱u.

6YaꞋan ili ya ayinviki ra̱ka̱ i cikpa Vuzavaguɗu.

Cikpai Vuzavaguɗu.