Ishipa 149

1Cikpai Vuzavaguɗu, cananai vishipa vu savu u Vuzavaguɗu,

cikpai ni o koɓolo ka uma a̱ ma̱riki.

2YaꞋan aza Isaraila a yaꞋan ma̱za̱nga̱,

n vuza na u yaꞋin le,

yaꞋan aza a Sihiyona a yaꞋan

ma̱za̱nga̱ m mogono me le.

3YaꞋan a cikpa kula ku ni n kujeꞋe,

a waꞋa umolu m medelemishipa,

4Vuzavaguɗu wi ta̱ a kupana uyoꞋo u uma a̱ ni,

u ci neke ta̱ aza a na o goyoi ka̱ci ke le,

tsugbayin n ulyaꞋi.

5YaꞋan uma a̱ ma̱riki,

a yaꞋan ma̱za̱nga̱ adama a tsugbayin

tsu na u nekei le,

a canana vishipa vu ma̱zanga̱ a iꞋuwa i le.

6YaꞋan ucikpi u Ka̱shile u yongo a̱ una̱ u le,

n kotokobi ka una̱ ure ekiye e le,

7adama a na a tsupa ili i na,

uduniyan u yaꞋankai le,

ka̱ta̱ kpamu a takacika uma,

8ka̱ta̱ a shiya ngono n ikani,

aza a gbagbaꞋin e le n ikani yi iyum,

9adama a na a yaꞋan afada tsu na wi uɗani.

Na ɗa tsugbayin tsu uma a̱ ma̱riki a̱ ni.

Cikpai Vuzavaguɗu.