Sam 136

Lunghawilawkdeinae la

Kathutkung: Panuekhoeh

1BAWIPA koe lunghawi lawk dei awh.

Bangkongtetpawiteh, ahni teh ahawi.

A lungmanae teh a yungyoe a kangning.

2Cathut pueng e Cathut koe lunghawi lawk dei awh.

Bangkongtetpawiteh, a lungmanae teh a yungyoe a kangning.

3Bawi pueng e Bawi koe lunghawi lawk dei awh.

Bangkongtetpawiteh, a lungmanae teh a yungyoe a kangning.

4Kângairu hno kalen heh amadueng ka sak e koe,

bangkongtetpawiteh, a lungmanae teh a yungyoe a kangning.

5A lungangnae hoi kalvan ka sak koe,

bangkongtetpawiteh, a lungmanae teh

a yungyoe a kangning.

6Talai hah tui van ka phai e Bawipa koe,

bangkongtetpawiteh, a lungmanae teh

a yungyoe a kangning.

7Kalenpoung angnae ka sak e koe,

bangkongtetpawiteh, a lungmanae teh

a yungyoe a kangning.

8Khodai ka uk hanlah kanî ka sak e koe,

bangkongtetpawiteh, a lungmanae teh a yungyoe a kangning.

9Karum ka uk hanlah thapa hoi âsinaw ka sak e koe,

bangkongtetpawiteh, a lungmanae teh a yungyoe a kangning.

10Izipnaw e caminnaw ka thet e koe,

bangkongtetpawiteh, a lungmanae teh a yungyoe a kangning.

11Isarelnaw hah Izipnaw thung hoi ka tâcawtkhaikung koe,

bangkongtetpawiteh, a lungmanae teh a yungyoe a kangning.

12Athakaawme kut, a dâw e kut hoi ka tâcawtkhai koe,

bangkongtetpawiteh, a lungmanae teh a yungyoe a kangning.

13Tuipui paling hah kahni telah rak ka bawng e koe,

bangkongtetpawiteh, a lungmanae teh a yungyoe a kangning.

14Isarelnaw hah hote tuipui lungui hoi ka cet sakkung koe,

bangkongtetpawiteh, a lungmanae teh a yungyoe a kangning.

15Faro siangpahrang hoi a ransanaw teh,

tui dawk koung ka tâkhawng koe,

bangkongtetpawiteh, a lungmanae teh a yungyoe a kangning.

16A miphunnaw hah thingyei yawn dawk ka cetkhaikung koe,

bangkongtetpawiteh, a lungmanae teh a yungyoe a kangning.

17Siangpahrang kalennaw kathetkung koe,

bangkongtetpawiteh, a lungmanae teh a yungyoe a kangning.

18A min kamthang e siangpahrangnaw kathetkung koe,

bangkongtetpawiteh, a lungmanae teh a yungyoe a kangning.

19Amor siangpahrang Sihon ka thet koe,

bangkongtetpawiteh, a lungmanae teh a yungyoe a kangning.

20Bashan siangpahrang Og ka thet koe,

bangkongtetpawiteh, a lungmanae teh a yungyoe a kangning.

21Ahnimae ram hah râw lah kapoekung koe,

bangkongtetpawiteh, a lungmanae teh a yungyoe a kangning.

22San hah Isarelnaw râw lah kapoekung koe,

bangkongtetpawiteh, a lungmanae teh a yungyoe a kangning.

23Maimouh bo awh lahun nah, pou na kapoukung koe,

bangkongtetpawiteh, a lungmanae teh a yungyoe a kangning.

24Maimanaw heh taran um hoi na karasatkung koe,

bangkongtetpawiteh, a lungmanae teh a yungyoe a kangning.

25Moithang pueng rawca ka poe koe,

bangkongtetpawiteh, a lungmanae teh a yungyoe a kangning.

26Kalvan Cathut koe lunghawi lawk dei awh.

Bangkongtetpawiteh, a lungmanae teh a yungyoe a kangning.