Sam 11

BAWIPA lannae dawk kâuepnae

Kathutkung: Devit

1BAWIPA dawk ka kâuep.

Bangkongtetpawiteh, ka hringnae koevah,

na monsom vah tavaca patetlah kamleng telah na dei thai.

2Bangtelah tetpawiteh, na khenhaw!

Tamikathoutnaw ni licung a sawn awh teh,

lungthin kalannaw arulahoi ka hanelah, lirui dawk pala coungkacoe a mawp awh toe.

3Adunaw hah raphoe lah awm pawiteh,

tamikalan ni bangmouh a sak thai han.

4BAWIPA teh kathounge Bawkim dawk ao teh,

BAWIPA bawitungkhung teh kalvan vah ao.

A mit hoi a khet teh, tami capanaw teh a mitlakhuem hoi a tanouk.

5BAWIPA ni tamikalan hah ouk a tanouk.

Hatei, tamikathout hoi thama lah kalawmnaw teh,

a hringnae hoi a hmuhma.

6Tamikathoutnaw koe hmaisaan hmaito a rak sak vaiteh,

hmai hoi gan hoi hmaikahlî teh a coe awh hane manang lah ao han.

7Bangkongtetpawiteh, BAWIPA teh a lan.

Lannae hah lung a pataw teh, tamikalan teh a khet. 