Sam 12

Cathut yuemkamcu lah onae

Kathutkung: Devit

1BAWIPA na kabawm haw.

Bangkongtetpawiteh, cathutlae tami awm hoeh toe.

Tami capanaw dawk yuemkamcu e awm hoeh toe.

2A imrinaw hoi laithoe lawk a kâdei awh teh,

lungsamphei laihoi lawk a dei awh.

3BAWIPA ni pasawtpanepnae pahni hoi,

kâoupnae lai hah tâtueng naseh.

4Ahnimouh ni, ka lai hoi ka tâ han.

Ka pahni hai kama e doeh.

Apimouh kaimouh lathueng ka bawi han telah ati awh.

5BAWIPA ni, repcoungroe e tami ka roedeng e hoi,

voutthoup laihoi kacingounaw hanlah,

atu ka thaw vaiteh, a ngaihawi awh e roumnae hmuen koe

ka o sak han telah ati.

6BAWIPA e lawknaw teh, ka thoung e lawk doeh.

Talai hoi thoung sak nahanelah,

hmai dawk vai sari touh sôlêi tangcoung e ngun patetlah ao.

7Oe BAWIPA, nang ni na khetyawt.

Hete senaw thung dawk hoi a yungyoe na roum sak.

8Tami capanaw ni tamikapo a tawmrasang awh toteh,

tamikathoutnaw teh hmuen tangkuem a kâva awh.