La Bu 127

Haona Kiti Hi Yahweh Pakaiya Hung Kon Ahi

Solomon ki pahtah a ala sem

1Insa-a hi Yahweh Pakai apan louleh, asahon mohseh a asah'u ahi. Khopi ngah'a hi Yahweh Pakai ajao louleh, khongah ho panna bei a hahkhovah ahiuve.

2Jingkah matah a nakipat uva jankhang gei a neh ding an holna a na natoh'u pan nabei ahi, ajeh chu Yahweh Pakaijin angailut achate hi a-ihmut sung uva hi ijakai agontohpeh ahi bouve.

3Veuvin, chatehi Yahweh Pakaiya kon a gou ahin, naobu sunga konna aga kimu jonghi kipa thilpeh ahi.

4Khang don laija cha kineiho hi galsatpan akhut a thal changho akichoi tobang ahi.

5Thal chang abom dimsetna kipohpa anunnom ahi. Ama chu agal mite toh thutanna mun'a akimuto teng gal lel hilouhel ding ahi.