PATHEN LEKHABU THENG
La Bu 128
Pathen Gingte Chunga Phattheina Ho
Koi hileh Yahweh Pakai ging geh'a um a Ama lunglhaina lampia kalsongho chu anunnom ahiuve.
Nangin nakhutsoh natohga naneh ding ahin, iti nakipading hitam na hinkho kiledoh ding ahitai.
Na insunga najinu jong lengpi gui ga phatah banga phatthei punna hi ding, ankong phunga an naneh khompi nachate mel-hoi tah-tah Olive thingbah lhoutah bangdiu ahi.
Veuvin, Yahweh Pakai gingte phatthei achan dingu chu hitobang hi hi ding ahi.
Yahweh Pakaijin Zion a kon'in phatthei nabohjing jinghen, nahinkho lhumkei in Jerusalem machalna mujing jingin.
Natuson gei in jong hin munlang, Israel chungah chamleng hen!
PATHEN LEKHABU THENG. Copyright © 2020 Chongthu Bible Translation Team. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.