PATHEN LEKHABU THENG
La Bu 126
Pathen'in Asemphat Jal'a Thangvahna
Yahweh Pakaijin sohchang ho chu Jerusalem a ahinlepuilut kitphatchun, hichu mangtoh abang jengin ahi!
Keiho lungna chim tah a nuinan ka dimset jingun, ki pahtah in la kasauve. Hichun chidang namdang hon aseiyun, “Yahweh Pakaijin thil loupi kidangtah chu aboldoh peh tauve” atiuve.
Adih'e, Yahweh Pakaijin thil loupi kidangtah chu eiboldoh pehtauve! Iti kipa um a hitam!
Neldi gam a twilonglut hon athah semkit bangin O Yahweh Pakai kanei kagouhou hin kiledoh sah kittan.
Mitlhi long pum pum a muchi tuten, kipah thanom tah a aga akilodiu ahi.
Kapjing pum a atuding muchi kipoh'a vaikonten, aga hinkipoh puma inmun kipahle thanomtah in hung kileuhen.
PATHEN LEKHABU THENG. Copyright © 2020 Chongthu Bible Translation Team. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.