Biblica® सुतंतर समकालीन छत्तीसगढ़ी अनुवाद
भजन-संहिता 121
आरोहन के एक गीत।
मेंह अपन आंखी ला पहाड़मन कोति लगाथंव—
मोर मदद कहां ले आथे?
मोर मदद ह यहोवा ले आथे,
जऊन ह अकास अऊ धरती के रचइया ए।
ओह तोर पांव ला फिसले बर नइं दीही—
जऊन ह तोर रखवारी करथे, ओह नइं ऊंघय;
वास्तव म, जऊन ह इसरायल के रखवारी करथे,
ओह न तो ऊंघय अऊ न ही सुतय।
यहोवा ह तोर रखवारी करथे—
यहोवा ह तोर जेवनी हांथ कोति बचाव के तोर छइहां ए;
न तो दिन के समय सूरज ले
अऊ न ही रथिया के बेरा चंदा ले तोला कोनो हानि होही।
यहोवा ह तोला जम्मो हानि ले बचाही—
ओह तोर जिनगी के रखवारी करही;
यहोवा ह तोर अवई-जवई म
तोर रकछा अब ले लेके सदाकाल तक करत रहिही।
Biblica® सुतंतर समकालीन छत्तीसगढ़ी अनुवाद. Copyright © 2012, 2016, 2021, 2024 Biblica, Inc. Licensed under CC BY-SA 4.0. दुवारा पंजीयन कराय एक ठन ब्यवसायिक चिनहां हरे जेकर उपयोग अनुमति लेके करे जाथे। “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.