Biblica® सुतंतर समकालीन छत्तीसगढ़ी अनुवाद
भजन-संहिता 120
आरोहन के एक गीत।
मेंह अपन दुख म यहोवा ला पुकारथंव,
अऊ ओह मोला जबाब देथे।
हे यहोवा,
लबारी मरइया ओंठ
अऊ धोखा देवइया जीभ ले मोला बचा।
हे धोखा देवइया जीभ,
तोर संग परमेसर ह का करही,
अऊ येकर अलावा अऊ का होही?
ओह तोला एक योद्धा के नुकीला तीरमन ले,
बहरी बनइया झाड़ी के बरत कोइलामन ले सजा दीही।
धिक्कार ए मोर ऊपर कि मेंह मेसेक देस म निवास करथंव,
अऊ ये कि केदार के तम्बूमन के बीच रहिथंव!
बहुंत समय तक मेंह ओमन के बीच रहेंव,
जऊन मन सांति बिलकुल पसंद नइं करंय।
मोला सांति बने लगथे;
पर जब मेंह गोठियाथंव, त ओमन लड़ई करे चाहथें।
Biblica® सुतंतर समकालीन छत्तीसगढ़ी अनुवाद. Copyright © 2012, 2016, 2021, 2024 Biblica, Inc. Licensed under CC BY-SA 4.0. दुवारा पंजीयन कराय एक ठन ब्यवसायिक चिनहां हरे जेकर उपयोग अनुमति लेके करे जाथे। “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.