Biblica® सुतंतर समकालीन छत्तीसगढ़ी अनुवाद
भजन-संहिता 122
आरोहन के एक गीत। दाऊद के गीत।
मेंह ओमन के संग आनंद मनाथंव, जऊन मन मोला कहिन,
“आवव, यहोवा के घर चलबो।”
हे यरूसलेम, तोर दुवारमन म
हमन खड़े हवन।
यरूसलेम ला ओ सहर के सहीं बनाय गे हवय,
जेकर घरमन एक-दूसर ले एक संग जुड़े हवंय।
ओही ह ओ जगह ए, जिहां गोत्र-गोत्र के मनखे—
यहोवा के गोत्र के मनखे
यहोवा के नांव के परसंसा करे बर जाथें,
अऊ ये परसंसा के काम इसरायल ला दिये गय नियम के मुताबिक होथे।
उहां नियाय बर सिंघासनमन हवंय,
अऊ ओमन दाऊद के घराना के सिंघासन अंय।
यरूसलेम के सांति बर पराथना करव:
“जऊन मन तोर ले मया करथें, ओमन सुरकछित रहंय।
तोर दीवारमन1 के भीतर म सांति
अऊ तोर गढ़मन म सुरकछा बने रहय।”
अपन परिवार अऊ संगवारीमन के हित म,
मेंह कहिहूं, “तुमन म सांति रहय।”
यहोवा, हमर परमेसर के घर के हित म
मेंह तुम्हर उन्नति के कोसिस म रहिहूं।
Source notes (1)
- Footnote या तोर सहर के दीवारमन
Biblica® सुतंतर समकालीन छत्तीसगढ़ी अनुवाद. Copyright © 2012, 2016, 2021, 2024 Biblica, Inc. Licensed under CC BY-SA 4.0. दुवारा पंजीयन कराय एक ठन ब्यवसायिक चिनहां हरे जेकर उपयोग अनुमति लेके करे जाथे। “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.