রোমীয় 3

ঈশ্বৗরনি ফৗথাইনায়

1অব্লা যিহূদি জানানৈ মা সুবিদা দং? কিন্বা ত্বকছেদ খৗলামজানায়া মা দাম দং? 2জেরৈনিফ্রায়বৗ গৗবাং, সিগাঙাও যিহূদীফৗরনি ছায়াও, ঈশ্বৗরনি রাওয়া ভরসা হৗজাদৗং।

3যদি বিছৗরনি খাইছে খাইছেয়া ফৗথাইয়াব্লা, বিছৗরনি ফৗথাইয়িয়া মা কি ঈশ্বৗরনি ফৗথাইনায়াও ফেলেং জানায় নামা? 4অৗংমাৎথারা, ঈশ্বৗরা নংথারগৌ আরৗ সাফ্রৗমবৗ মানসিয়া নংখাই। জৗরৈ বাদি লিৎনায় দং,

“জাহাথে নৗঙৗ খৗথা বুংনাইয়াও ঠিক প্রমাণ হৗনৗ হায়ৗ আরৗ নৗঙৗ বিচারনি সমাও বিজয় জানৗ হায়ৗ1।”

5নাথায় জৗংনি অধৗরৗমিয়া মাওনায়জৗং ঈশ্বৗরনি ধৗরৗমিয়া মাওনাইয়া রৗখা রৗখাসিন দিন্ঠিজায়ৗব্লা, জৗঙৗ মা বুংনায়? ঈশ্বৗরা অধৗরৗমিয়া অৗঙা, জাইয়া অন্যায়নি থাখৈ জৗংনি ছায়াও রাগ দিন্ঠিয়ৗ? আঙৗ মানসিফৗর বাদি তর্ক হৗদৗং। 6নংথারগৌয়ৈ নৗঙা! যদি বিবাদি জায়ৗ, অব্লা মাব্রৈ ঈশ্বৗরা বে সংসারখৌ বিচার খৗলামনায়? 7খাইছেফ্রা হয়তো তর্ক খৗলামনৗ হাগৌ, “আংনি নংখাইয়া যদি ঈশ্বৗরনি নংথারগৌ বাংহৗয়ৗ আরৗ বিনি মহিমাখৌ বাংহৗয়ৗ, অব্লা মানৗ দাবৗনৗ আঙৗ পাপী হৗন্নানৈ দোষি খৗলামজায়ৗ?” 8মানৗ বুঙাখৈ-জেরৈ ছৗরবা ছৗরবায়া খৈফৗৎনাওবৗ দাবি খৗলামৗ যে জৗঙৗ বুঙৗ, “ফৈ জৗং গাজ্রি মাওনি জাহাথে মৗজাং বিথাই মৗন্নৗ হায়ৗ?” বিছৗরনি দোষ খৗলামনাইয়া ঠিক বিচার জানায়!

রাওবৗ ধৗরৗমিয়া অৗঙা

9অব্লা জৗং মা বাদিয়ৈ ফৗজৗবনায়? জৗং যিহূদিয়ারিফ্রা মা কি গুবুনফৗরনিফ্রায় সাবসিন? মঠৈ অৗঙা! মানৗনা জৗঙৗ সিগাঙাওনৗ দায়ি খৗলামদৗং যে, যিহূদি আরৗ গুবুনহারি গাছেনবৗ পাপনি বৗলৗনি সিঙাও। 10জেরৈবাদি লিৎনায় দং,

“ধৗরৗমিয়া রাওবৗ গৈয়া, সাছেবৗ 2গৈয়া। 11বিহা বুজিগ্রা এমন কি সাছেবৗ গৈয়া, ঈশ্বৗরখৌ নাগিৎগ্রা এমন কি সাছেবৗ গৈয়া।

12বয়বৗ ঈশ্বৗরনিফ্রায় গৗজানাও থাংবায়, বিছৗরৗ গাছেনবৗ অযোগ্য জাবায়, বিহা মৗজাং খামানি মাওগ্রা সাছেবৗ গৈয়া, দাবৗনৗ সাছেবৗ গৈয়া।”

13“বিছৗরনি গারাংবায়া গেওনায় গৗথৈ হাখর বাদিছৗ, বিছৗরনি ছালাইয়া ছৗলৈগ্রা আদথ জাবায়;” “বিছৗরনি গুসুষ্টিয়াও জিবৌনি বিষ দং3।”

14“বিছৗরনি খগাফ্রা সাও আরৗ গৗখা রাওজৗং বুংফবনায়।”

15“বিছৗরনি আঠেংফ্রা থৈ বৗহৈহৗনায়াও গৗখ্রৈ থাঙৗ।

16বিছৗরৗ জেরৌ জেরৗও থাঙৗ, বিয়াওনৗ জৗবস্রাংনায় আরৗ দুঃখু কষ্টয়া থাংফায়ৗ,

17আরৗ শান্তিনি লামাখৌ বিছৗরৗ মিথিয়া।”

18“বিছৗরনি মগননাও ঈশ্বৗরখৌ গিনায়া গৈয়া4।”

19দা জৗঙৗ মিথিগৌ যে আইননা জেখিয়া বুঙৗ, আইনি সিঙাও থাগ্রাফৗরখৌ আইননা হৗন্নৗ; বিনিখাইনৗ সাফ্রৗমনিবৗ খৌগায়া স্রিয়ৈ থায়ৗ আরৗ সংসারনি গাছেনখৌবৗ ঈশ্বৗরনি সিগাঙাও হিসাব হৗনাংনায়। 20বিনিখাইনৗ আইনখৌ ফালিনানৈ ঈশ্বৗরনি নৗজৗরাও রাওবৗ ধৗরৗমিয়া সানজায়া; মানৗনা আইননা জৗংখৌ পাপী হৗন্নানৈ দিন্ঠিয়ৗ5।

ফৗথাইনায়নি গেজেরজৗং ধৗরৗমিয়া

21নাথায় দা আইনখৌ নাগারনান ঈশ্বৗরা ধৗরৗমিয়া মিথিসাৎ হৗজাবায়, মোশিনি আইন আরৗ নবিফৗরনি গেজেরজৗং বেখৌ সাক্ষী হৗদৗং। 22জাইফ্রা যীশু খ্রীষ্টখৌ ফৗথায়ৗ, বিছৗরৗ বে ফৗথাইনায়নি গেজেরজৗংনৗ ঈশ্বৗরনি ধৗরৗমিয়া বিছৗরনি গেজেরাও যিহূদী আরৗ গুবুনহারি বিহা আলাদা গৈয়া। 23মানৗনা সাফ্রৗমবৗ পাপ মাওবায় আরৗ ঈশ্বৗরনি মহিমানিফ্রায় গৗজান জাবায় 24আরৗ সাফ্রৗমনৗবৗ বিনি অনুগ্রহজৗং অরৈনৗ হৗন্নানৈ যীশু খ্রীষ্টআ পাপনিফ্রায় বাইখনানৈ ঈশ্বৗরা জৗংখৌ ধৗরৗমিয়া সাননানৈ লাবায়। 25ঈশ্বৗরা খ্রীষ্টখৌ সুদ্রায়নায়নি ফাসকা বুলি হিসাবমৈ গথাইদৗং, বিনি থৈ ফসরহৗনায়নি গেজেরজৗং নাজাওজায়ৗ। বিয়ৗ বিনি ধৗরৗমিয়াখৌ দিন্ঠিনৗ থাখৈ বেখৌ খৗলামবায়, মানৗনা বিনি সহায়নৗহানায়া সিগাংনিফ্রায় পাপফৗরখৌ শাস্তিহিন খৗলামদৗং, 26বিয়ৗ বেখৌ মাওদৗং বর্তমান সমমা বিনি ধৗরৗমিয়া, জাহাথে বিয়ৗ গাওখৌনৗ ধৗরৗম গৗনাং দিন্ঠিয়ৗ, আরৗ জাইফৗরনে যীশুনিয়াও ফৗথাইনায় দং বিছৗরখৌবৗ ধৗরৗমিয়া সাননানৈ লায়ৗ।

27অব্লা জৗংনি ডুগায়া ববেহা থাংখৗ? বেয়ৗ গৗজান জাবায়। নাথায় মা বাদি আইনজৗং? বে আইননা মা কি খামানিফৗরনি গেজেরজৗং? অৗঙা, নাথায় আইননি ফৗথাইনায়জৗং। 28মানৗনা আইননি খামানিখৌ নাগারনান জৗংনি ফৗথাইনায়জৗং ঈশ্বৗরা জৗংখৌ ধৗরৗমিয়া সাননানৈ লাবায়। 29মা কি, ঈশ্বৗরা যিহূদীফৗরনি বান ঈশ্বৗর নামা? গুবুনহারিফৗরনিবৗ ঈশ্বৗর অৗঙা নামা? নংগৌ, বিয়ৗ গুবুন জাতিফৗরনিবৗ ঈশ্বৗর, 30বিহা সাছে বান ঈশ্বৗর, জাইয়া ফৗথাইনায়জৗং ত্বকছেদ আরৗ অত্বকছেদ মানসিফৗরখৌ একই ফৗথাইনায়নি গেজেরজৗং ধৗরৗমিয়া খৗলামৗ6। 31অব্লা জৗঙৗ বে ফৗথাইনায়নি গেজেরজৗং আইনখৌ ফেলেং খৗলামদৗং নামা? গাছেনবৗ অৗঙা! বরং জৗঙৗ আইনখৌ দিখাঙৗ।