Mech
নুজাহৗজানায় 12
সাছে হিন্জাওসা আরৗ ড্রাগন
স্বৗর্গৗয়াও মৗনছে গেদেৎ চিহ্ন নুজাদৗং: সাননি সি' গাননায় সাছে হিন্জাওসা দংমৗন, অৗখাফৗরা বিনি আঠেংনি গাহায়াও আরৗ বিনি খর'নি ছায়াও বারোটা হার্থখিনি মৗনছে মুকুট দংমৗন। বিয়ৗ গৗর্বৗগৗনাং মৗন আরৗ ছানায়জৗং গাবখ্রাওদৗং মৗন বিসা জৗনৗম হৗনৗ। উনাও স্বৗর্গৗয়াও গুবুন চিহ্ন নুজাবায়: সাতটা খর আরৗ দশটা গং আরৗ খরয়াও সাতটা মুকুটজৗং লৗগৗছে মৗনছে গেদেৎ গৗজা ড্রাগন। বেনি লানজায়া নখ্রাংনিফ্রায় ভাগৗ মৗনথামনি ভাগৗছে হার্থখিখৌ খুবৈগারনান বুহুমাও গারহৎবায়। ড্রাগননা বি হিন্জাওসানি সিগাংয়াও গছংদৗং মৗন জাইয়া জৗনৗম হৗনায়ছৈমৗন, জাহাথে বিয়ৗ বিনি বিসা জৗনৗম জানাইনি লগে লগে গ্লব মলংনৗ হায়ৗ। বি হিন্জাওসায়া সাছে বিসাজ্লা জৗনৗম হৗবায়, জাইয়া সৗরনি লাওঠিজৗং গাছেন জাতিখৌ শাসন খৗলামনায়। আরৗ বিনি বিসাজ্লাখৌ ঈশ্বৗরা গাওনি সিংহাসন খাঠিয়াও সেনান লাংবায়। হিন্জাওসায়া মারু গৗরান ফৗথারবারিয়াও ঈশ্বৗরনি গেজেরজৗং বিনি থাখৈ ঠাম ঠিম খৗলামজানায় মৗনছে জায়গাও খাৎলাংদৗং মৗন, জেরাও বিনি এক হাজার দুইশো ষাইট দিননি থাখৈ জৗথৗন লানৗ হায়ৗ। উনাও স্বৗর্গৗয়াও যুদ্ধ জাবায়। মাইকেল আরৗ বিনি আরফ'ফ্রা ড্রাগননি বিরুদ্ধনাও দাওহা নাংদৗং, ড্রাগন আরৗ বিনি আরফ'ফ্রা দাওহা নাংফিনদৗং। নাথায় বিয়ৗ ঠৗজাছে বৗলৗগ্রা অৗঙা মৗন, আরৗ বিছৗরৗ স্বৗর্গৗয়াও বিছৗরনি জায়গাখৌ খৗমানান লাদৗং। গেদেৎ ড্রাগনখৌ গাহায়াও গারখ্লায় হৎনা জাদৗং-বি পুরানা জিবৌখৌ দায়হমগ্রা আরৗ শয়তান বুঙা জায়ৗ, জাইয়া সারা বুহুমখৌ ঠগাইনায়াও দৈদেননৗ। বিনি আরফ'ফ্রাখৌবৗ বিজৗং লৗগৗছে বুহুমাও গারখ্লায় হৎনায় জাদৗং। উনাও আঙৗ স্বৗর্গৗয়াও মৗনছে গৗব্রাব রাও খৗনাবায়: “দা জৗংনিয়াও উদ্ধার, বৗলৗ আরৗ ঈশ্বৗরনি রাজ্য, আরৗ বিনি মসিহনি একথিয়ারা ফৈবায়। জৗংনি ফংবায়ফৗরখৌ দায়হমগ্রাফৗরা গারখ্লায় হৎজাদৗং, জাইফ্রা জৗংনি ঈশ্বৗরনি সিগাং হর আরৗ সান বিছৗরখৌ দায় হমমৗ মৗন। বিছৗরৗ মেন্দা বিসানি থৈয়জৗং আরৗ বিছৗরনি সাক্ষ্যনি রাওনি গেজেরজৗং বিখৌ দেহাদৗং। বিছৗরৗ বিছৗরনি জিউখৌ এছেগ্রাববৗ অন্নাখৈমৗন যে থৈনৗবৗ ঠাম ঠিম জাবায়। বিনিখাইনৗ স্বৗর্গৗয়ারি আরৗ স্বৗর্গৗয়াও জাইফ্রা বিছৗরনি গেজেরাও থায়ৗ নৗংছৗরৗ রংজা, নাথায় সংসার আরৗ সাগৗরনি থাখৈ ধিক্কার, মানৗনা শয়তানা নৗংছৗরনিয়াও নামায়খ্লাইবায়! বিয়ৗ রাগজৗং বুংফাওদৗং, মানৗনা বিয়ৗ মিথিগৌ যে বিনে সময়া খাঠৈছৈ।” ড্রাগনা জেব্লা মিথিবায় যে বিখৌ সংসারাও গারখ্লায়হৎবায়, অব্লা যে হিন্জাওসায়া হৌয়াসা গথ'খৌ জৗনৗম হৗবায় বিখৌ উন উন হৗছৗবায়। বি হিন্জাওসানৗ মাছে গেদেৎ ছিল্লা দাওছেননি মৗনৈ গাং হৗয়া জাদৗং, জেন বিয়ৗ বিনি থাখৈ ঠাম ঠিম খৗলামনায় মারু গৗরান ফৗথারবারিয়াও বিরলাংনৗ হায়ৗ, জেরাও বি জিবৌনি নৗজৗরনিফ্রায় বিখৌ মৗনছে সময়নি, আরৗ অর্দ্ধেক সময়নি সময়1 থাখৈ যত্ন খৗলামা জানায়। উনাও জিবৌয়া বিনি খোগানিফ্রায় দৈ গোবায়োন হৗৎবায় দৈমা বাদি, জাহাথে হিন্জাওসাখৌ উনথিংনিফ্রায় বাদছোনান হমনৗ আরৗ বিখৌ গৗখ্রৈ দৈজৗং গৗজাওলাংহৗনৗ হায়ৗ। নাথায় সংসারা গাওনি খগাখৌ খেওনানৈ হিন্জাওসাখৌ হেফাজাব হৗদৗং আরৗ ড্রাগনা খৌগানিফ্রায় যে দৈমাখৌ গোবায়োনদৗং মৗন বিখৌ মলংদৗং। অব্লা ড্রাগননা বি হিন্জাওসানি ছায়াও রাগ জাদৗং আরৗ আরবাও বিনি দংবাও বিসাফৗরনি বিরুদ্ধ দাওহা নাংনৗ থাংদৗংমৗন, জাইফ্রা ঈশ্বৗরনি আদেশখৌ ফালিয়ৗ আরৗ যীশুনি সাক্ষ্যখৌ হমথানান দৗন্নৗ। উনাও ড্রাগনা সাগৗরনি বালাবারিয়াও গছংবায়।
Source notes (1)
- Footnote বেয়ৗ বেবাদি বুঙা জায়ৗ 'এক বৗছৗর, দুই বৗছৗর আরৗ আধা বৗছৗর। দানিয়েল 7:25।
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.